• USD 424.85

  • EUR 504.21

  • RUB 5.84

  • CNY 65.86

26 Qyrkúıek, 05:29:01
Almaty
+9°

Nursultan Nazarbaev pen Serikbolsyn Ábdildın/fotokollaj

Nursultan Nazarbaev 2019 jyly dúnıeden ótken saıasatker, 1991-1993 jyldary joǵarǵy keńes tóraǵasy, 1999 jylǵy kezekten tys prezıdent saılaýynda Nazarbaevtyń opponenti bolǵan, 2000 jyldardyń basynan beri júıeni, Nazarbaevtyń ózin jıi synaǵan Serikbolsyn Ábdildın týraly kózqarasyn bildirdi.

Nursultan Nazarbaev "Shtrıhı k portretý. Lıder" derekti fılminde jýrnalıst suraǵyna jaýap bere otyryp, Serikbolsyn Ábdildınmen dos, onyń bilimdi adam bolǵanyn aıta kele, onyń joǵarǵy keńes tóraǵasy bolǵanyn qalamaǵanyn jetkizdi.

– Men ony Qazaq KSR joǵarǵy keńesiniń depýtaty bolyp saılanýǵa kóndirdim. Bul – táýelsizdiktiń alǵashqy jyldary. Biz jaqyn boldyq, men oǵan sendim. Men 1991 jylǵy jeltoqsandaǵy jalpyhalyqtyq saılaý kezinde qaýyrt sharýamen júrdim, ol óz sharýasymen degendeı. Inaýgýrasııadan keıin prezıdent retinde qyzmetke kiriskenimde ol joǵarǵy keńes tóraǵasy bolǵysy kelip júrdi. Men onyń ambısııasy men burys kózqarasyn biletindikten, muny quptaı qoımadym. Daý bastaldy. Basqa úmitkerler ózdiginen bas tartyp shyqty álde ol (Serikbolsyn Ábdildın - red) olarmen kelisip aldy ma, áıteýir ol joǵarǵy keńes tóraǵasy boldy da Reseıdegi joǵarǵy keńes tóraǵasy Hasbýlatovpen dostasyp aldy. Ábdildın keńes eldegi basty organ bolǵanyn qalaıtyn. Iаǵnı kommýnısterdiń, bolshevıkterdiń uranyn qoldady. Biraq keńes bıligi qantógiske ákeldi. Naryq ekonomıkasyna baılanysty kez kelgen zańdy parlament (Serikbolsyn Ábdildın tóraǵalyq etken joǵarǵy keńes - red) qaıtaryp jiberetin. Jekeshelendirý týraly zańdy qabyldaý múmkin bolmady, bankter týraly, jekemenshik, shaǵyn kásipkerlik týraly zańdardyń bárin parlament arqyly ótkizý múmkin bolmady. Ol jerdegilerdiń bári kommýnıst edi. Men de sondaı bolǵanmyn. Biraq ózgere bilý kerek qoı, – deıdi Nazarbaev.

Nazarbaev budan keıin Ábdildındi "dos arasynan shyqqan eń iri dushpan" dep sıpattaıdy. Ol Ábdildınniń ózgerip shyǵa kelgenin, biraq joǵarǵy keńes depýtattarynyń jartysy  ókilettigin toqtatý týraly jazǵanyn, osylaısha Keńes odaǵy kezinde jasaqtalǵan joǵarǵy keńes taratylǵanyn aıtady.

Sóz sońynda Serikbolsyn Ábdildın ómiriniń sońyna deıin ózin ótkir synap ótkenin aıtyp, "oppozısııa tek synaýdy ǵana biledi, máseleniń sheshimin usynbaıdy" dep oppozısııanyń ózin synaıdy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir