Zeınetaqy jınaǵyndaǵy qarajatty ala alatyndar tizimi keńeıdi

1 mamyrdan bastap erikti zeınetaqy jarnalary esebinen zeınetaqy jınaqtaryn alýshylardyń tizimi keńeıdi, dep habarlady Biryńǵaı jınaqtaýshy zeınetaqy qorynyń baspasóz qyzmeti.

Erikti zeınetaqy jarnalary – salymshylardyń óz bastamasy boıynsha BJZQ-ǵa salatyn aqshasy. Olardy jeke tulǵalar óz paıdasyna, jeke jáne zańdy tulǵalar úshinshi tulǵanyń paıdasyna aýdara alady. Bul rette EZJ mólsheri men tóleý kezeńin jeke nemese zańdy tulǵa derbes belgileıdi.

"Qazaqstan Respýblıkasynda zeınetaqymen qamsyzdandyrý týraly" Qazaqstan Respýblıkasy Zańynyń 33-baby 1-tarmaǵyna sáıkes Biryńǵaı jınaqtaýshy zeınetaqy qorynda zeınetaqy jınaqtary bar tómendegideı azamattarda jınaǵyn alý,ǵa múmkindik bar.

1) elý jasqa tolǵandar;

2) múgedek azamattar;

3) Qazaqstan Respýblıkasynyń zańnamasynda aıqyndalǵan, ketý nıetin nemese deregin rastaıtyn qujattardy usynǵan, Qazaqstan sheginen tysqary jerlerge turaqty turýǵa ketetin nemese ketken sheteldikter men azamattyǵy joq adamdar;

4) Erikti zeınetaqy jarnalary negizinde keminde bes jyl zeınetaqy jınaǵy bar azamattar;

Atalǵan baptyń 1-tarmaǵynyń 4) tarmaqshasy 2021 jylǵy 1 mamyrdan bastap kúshine endi. Osy jańashyldyqqa sáıkes EZJ boıynsha tólemderdi erikti zeınetaqy jarnalary zeınetaqy júıesinde keminde bes jyl bolǵan barlyq adamdar ala alady. Osylaısha, EZJ esebinen qarajat jınaýdy mysaly, 20 nemese 30 jastan bastaı otyryp, tıisinshe 25 nemese 35 jasqa tolǵan kezde salymshylar ózderiniń alǵashqy tólemderin ala bastaıdy.

Erikti zeınetaqy jarnalaryn alý ekinshi deńgeıdegi bankter nemese "Qazposhta" varqyly júrgiziledi.