• USD 424.85

  • EUR 504.21

  • RUB 5.84

  • CNY 65.86

24 Qazan, 18:07:37
Almaty
+7°

Álemdegi eń iri Dogecoin ınvestory 420,69 Dogecoin satyp aldy.

Bul jańalyq eki jyl ishinde krıptovalıýtaǵa zor mólsherde qarjy salǵan jumbaq adamnyń jeke basy týraly boljamdardy kúsheıtti.

Bitinfocharts derekteri kórsetkendeı, Dogecoin meken-jaıy "DH5yaieqoZN36fDVciNyRueRGvGLR3mr7L" dep kórsetilgen akkaýnt shamamen 192 dollar turatyn 420.6899 Dogecoin satyp alǵan.

Bul meken-jaıda 2019 jyldan bastap 36,7 mıllıard Dogecoin jınaqtalǵan jáne qazir jalpy Dogecoin mólsheriniń  shamamen 28%-yn quraıdy.

Dogecoin baǵasy 0,3937 dollar bolǵan kezdegi esep boıynsha jumbaq ınvestordyń ıeligindegi krıptovalıýta quny 14,7 mıllıard dollardy quraıdy.

Kóptegen ınvestorlar birneshe aıdan beri bul ámıánniń artynda kim nemese ne turǵanyn talqylaǵan. Meken-jaı jeke tulǵaǵa, market-meıkerge nemese bırjaǵa tıesili bolýy múmkin, degenmen "420" jáne "69" mem nómirlerine silteme jasaý ázilqoı bireýdiń satyp alǵanyn meńzeıdi.

CoinDesk-tiń ǵylymı jetekshisi Noell Ahesonnyń aıtýynsha, krıptovalıýta aıyrbastaý meken-jaıy kirister men shyǵystarǵa ıe. Meken-jaı 12 sáýirde 100 mıllıon moneta satqan jáne bul satý akkaýnttyń 2021 jyl boıynsha jalǵyz saýdasy  bolǵan.

Keıbir ınternet-forýmdar bul meken-jaı ózin "Dogecoin-nyń ákesi" dep ataǵan Ilon Maskqa tıesili dep joramaldaıdy. Bul meken-jaıǵa 28.061971 Dogecoin úsh bólek qosylǵan. Sandar 1971 jyly 28 maýsymdaǵy Ilon Masktyń týǵan kúnine silteme jasaıdy.

Al keıbir sarapshylar bul tranzaksııalardy Mask jasaǵannan góri, ony qurmetteý úshin iri treıder ádeıi istegen bolýy múmkin ekenin aıtady.

Tesla kompanııasynyń bas dırektory Ilon Mask aqpan aıynda Dogecoin-nyń eń úlken qaýpi retinde krıptovalıýtanyń basym bóligi sanaýly treıderlerge tıesili ekenin aıtqan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir