Bir táýlikte koronavırýs pen pnevmonııadan 43 adam qaıtys bolǵan

5 mamyrda 3833 adamnan koronavırýs, 177 adamnan pnevmonııa anyqtalǵan. Búgin jarııalanǵan 4 mamyrdaǵy derekke saı, 37 adam koronavırýstan, 6 adam pnevmonııadan ólgen. Bul týraly Densaýlyq saqtaý mınıstrligi habarlady.

6 mamyrdaǵy málimet boıynsha, 43 253 adam koronavırýs pen pnevmonııadan emdelip jatyr. Olardyń ishinde 14 489 pasıent stasıonarda, 28 764 naýqas ambýlatorııalyq deńgeıde em qabyldaýda. 

Indetke shaldyqqandardyń arasynda 780 adamnyń jaǵdaıy aýyr, 195 pasıenttiń jaǵdaıy óte aýyr, 121 naýqas ókpeni jasandy jeldetý apparatynda jatyr.

6 mamyrdaǵy málimet boıynsha, 1 mln 565 myń 681 adam koronovırýsqa qarsy vaksına saldyrǵan.