Qazaqstanda vaksınasııa qarqynyn arttyrý tapsyryldy

Premer-mınıstr Asqar Mamınniń tóraǵalyǵymen ótken Úkimet otyrysynda eldegi sanıtarlyq-epıdemıologııalyq jaǵdaı qaraldy.

Qazirgi tańda aýrý ósiminiń turaqtaný úrdisi baıqalady. Vırýstyń reprodýktıvti ındeksi azdap tómendep, 0,98 qurady. Aýrýhana tósekteriniń júktemesi 42%, reanımasııalyq tósek oryndardyń júktemesi 28% quraıdy.

О́ńirlerge 2,3 mln astam vaksına jetkizilgen. 1,5 mln-ǵa jýyq adam vaksınanyń birinshi komponentin jáne 350 myń adam ekinshi komponentin alǵan. Bul vaksınalaýǵa jatatyn halyqtyń 15%-y. Qoımalarda vaksınalardyń jetkilikti qory bar.

– Vaksınalaýdyń osy qarqynyn tómendetpeı, ony tek ósirý kerek. Halyqtyń koronavırýsqa qarsy vaksınaǵa qajettiligin barynsha qamtamasyz etip, pandemııa deńgeıin tómendetý úshin barlyq sharalar iske asyrylýda. Aýyl turǵyndaryna vaksına salýǵa erekshe nazar aýdarý kerek. Mamyrda eki mıllıonnan astam adamdy vaksınamen qamtamasyz etý jospary oryndalýy tıis. Áleýmettik-ekonomıkalyq obektilerdiń jumysyn shekteýdiń jańa krıterıılerin, sondaı-aq vaksına alǵandarǵa jeńildikterdi engizýdi baqylaý kerek. Bul ásirese, qyzmet kórsetý salasynda bıznesti jandandyrýǵa múmkindik beredi, – dedi A.Mamın.