BBC: AQSh búginnen bastap Reseıge jańa sanksııa salmaq

AQSh úkimeti Reseıge qarsy keń aýqymdy sanksııa salmaq. Bul týraly BBC jazdy.

Bul qadam AQSh-qa baǵyttalǵan reseılik kıbershabýyl áreketine, onyń ishinde 2020 jylǵy AQSh-taǵy prezıdent saılaýyna aralasýǵa jaýap retinde qarastyrylýda.

Beısenbiden bastap kúshine enedi delingen sanksııalar Reseıdiń 30-dan astam sýbektisine baǵyttalǵan jáne AQSh-tan kem degende 10 adamdy shyǵarýdy qamtıdy.

Habarlamaǵa qaraǵanda, nysanaǵa alynǵandardyń qatarynda dıplomattar bolady.

Sondaı-aq "AQSh prezıdenti Djo Baıdenniń ákimshiligi maýsym aıynan bastap AQSh-tyń qarjy ınstıtýttaryna rýbldik oblıgasııalardy satyp alýǵa tyıym salatyn buıryq shyǵarady dep kútilýde" dep habarlady CBS News.

Bul sharalar AQSh-Reseı qarym-qatynasy shıelenisken ýaqytta bolyp jatyr.