Foto: vıdeodan skrınshot
Pavlodar oblysynyń ákimi Ábilqaıyr Sqaqov "Grammy" syılyǵyn jeńip alǵan Imanbek Zeıkenovke kórimdik retinde 2 mln teńge berdi. Mýzykant berilgen qarajatty qaıyrymdylyqqa jumsamaq.
Imanbek Zeıkenov óziniń týǵan qalasy Aqsýǵa oralyp, jastarmen kezdesti.
Oblys ákiminiń atynan dıdjeıge zamanaýı tehnıka alýyna jáne "premııa alǵany úshin kórimdik" retinde 2 mıllıon teńge berilgen.
– О́te qýanyshtymyn. Meniń zamanaýı tehnıkam bar. Sol úshin bul qarajatty qaıyrymdylyqqa bergim keledi. Týǵan qalamnan kóshýdi josparlap jatqan joqpyn. Bolashaqta mýzykamen aınalysqym keledi. Qazirgi ýaqytta Shon Polmen birlesken týyndy jazyp jatyrmyz, – dedi mýzykant.
Aıta keteıik, qazaqstandyq mýzykant Imanbek Zeıkenovtyń SAINt JHN atty ánshiniń Roses ánine jazylǵan remıksi Grammy syılyǵynyń "Úzdik remıks" nomınasııasyn jeńip alǵan bolatyn.
Grammy syılyǵy – Amerıkanyń Ulttyq dybys jazý óneri jáne ǵylym akademııasy (NARAS) tapsyratyn mártebeli marapat.
Bıyl Grammy syılyǵy 63-shi ret uıymdastyryldy. 20 jastaǵy Imanbek Zeıkenov – shyǵarmasy Grammy syılyǵyna usynylǵan ári jeńgen alǵashqy qazaqstandyq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir