01 Naýryz, 2021 NEWS
Kórneki sýret
Densaýlyq saqtaý mınıstri Alekseı Soı mınıstrliktiń keńeıtilgen alqa otyrysynda eldegi epıdemıologııalyq ahýalǵa baılanysty boljammen tanystyrdy.
2021 jyly 6 mln-nan astam adamǵa vaksına salý josparlanyp otyrǵanyn eske salyp, 2 myńnan astam medısına qyzmetkeri KVI-ge qarsy vaksınasııa taktıkasy, vaksınasııanyń qaýipsizdigi men tıimdiligin qamtamasyz etý boıynsha oqytylǵanyn atap ótti
– E-gov mobile "Vaksınasııa" jáne "Sıfrlyq qujattar" qyzmetindegi vaksınasııa pasporty arqyly egilgenderdiń esebin júrgizý jáne ımmýndyq jaǵdaıdy baqylaý josparlanýda. Bul vaksınasııa kólemin jáne aýrýdyń boljamyn josparlaýǵa kómektesedi. Vaksınasııanyń qolda bar nátıjelerin eskere otyryp, osy jyldyń ekinshi jartyjyldyǵyna deıin epıdemıologııalyq jaǵdaıǵa boljam jasaldy. Optımıstik jáne shynaıy boljamǵa sáıkes, jappaı maska rejımi, sondaı-aq áleýmettik araqashyqtyq saqtaý nátıjesinde eldegi epıdemıologııalyq jaǵdaı turaqtalady jáne qatań karantındik shekteýge vaksınasııa ǵana balama bolady. Búkil álem vaksınasııa ǵana karantınsiz qalypty ómirge oralýǵa múmkindik beretinin túsindi, – dedi A.Soı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir