Prezıdent Qasym-Jomart Toqaev Kaspi.kz kompanııasynyń negizin qalaýshylardy qabyldady, dep habarlady Aqorda saıty.

Saıt málimetinshe, kezdesý barysynda Vıacheslav Kım men Mıhaıl Lomtadze kompanııanyń qazirgi jumysy men jetistikteri týraly aıtty.

Olar prezıdentke iri jahandyq ınvestorlardyń Qazaqstanǵa degen qyzyǵýshylyǵy artqany jóninde málimet berdi. Olardyń aıtýynsha, buǵan Kaspi.kz aksııalarynyń London qor bırjasyna ashyq túrde sátti ornalastyrylýy sebep bolǵan.

"Sonymen qatar kezdesýde qolma-qol aqshasyz tólem kóleminiń ósýi jáne onyń qoldanylý aıasyn keńeıtý, kompanııanyń qatysýymen memlekettik sıfrlandyrý jobalaryn júzege asyrý máseleleri talqylandy" delingen habarlamada.

Kezdesý qorytyndysy boıynsha memlekettik organdar men Kaspi.kz kompanııasynyń birlesken jumystarynyń perspektıvalyq baǵyttary belgilenip, Qazaqstandaǵy qolma-qol aqshasyz tólemderdi damytýǵa qatysty máseleler naqtylandy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir