Jańa qaýly. Qazaqstannyń 7 óńirinde karantın kúsheıtiledi

Almaty, Taldyqorǵan qalasy jáne Aqmola, Aqtóbe, Qaraǵandy, Shyǵys Qazaqstan, Pavlodar oblystarynda karantındik shekteý sharalary kúsheıtildi. Bul týraly óńirlerdiń bas sanıtar dárigerleri málimdedi.

Almaty qalasynyń bas sanıtar dárigeri Jandarbek Bekshın karantın sharalaryna ózgerister men tolyqtyrýlar engizdi.

Qaýlyǵa sáıkes:

• bilim berý ortalqtary 15 adamnan aıspaı jumys isteýine ruqsat etiledi;
• 50 adamǵa deıin qatysatyn mádenıet obektileri men konsert zaldaryna ruqsat beriledi;
• tolymdylyǵy 30%-dan aspaı teatr, kınoteatrlar, sırkterdiń jumysyna ruqsat etiledi.

Taldyqorǵan qalasynyń bas sanıtar dárigeri S. Meldebaev koronavırýs ınfeksııasyn aldyn alý úshin óz qaýlysyna jańa ózgerister men tolyqtyrýlar engizdi.

Bas sanıtar dárigerdiń qaýlysynda tómendegideı talaptar bar:

• bilim berý ortalyqtarynda 15 adamnan aspaı oqytýǵa ruqsat beriledi;
• jalpy bilim beretin mektepterde 5, 6, 7, 8 jáne 10 synyptardy qosa alǵanda onlaın-bilim berýdi uzartylady;
• kásipkerlik sýbektileriniń (obektileriniń) basshylary, barlyq jáne jeke tulǵalar karantın talaptaryn qatań saqtaýy tıis.

Aqmola oblysynyń bas sanıtar dárigeri A. Mýsına karantındik jańa shekteý sharalary 27 aqpan saǵat 00:00-den bastap kúshine enetinin eskertti.

Qaýlyǵa sáıkes:

• otbasylyq, estelik (banket, ýılený toı, mereıtoı, duǵa) jáne kóp jınalatyn ózge de ic-sharalardy, onyń ishinde úıde ótkizýge tyıym salynady;
• jerleý ic-sharalaryn júrgizý kezinde keminde 2 metr kashyqtyqty
  saqtaı otyryp, (otbasy músheleri) 30 adamnan artyq jınalýǵa jol berilmeıdi;
• kezeki toptardy qospaǵanda, mektepke deıingi balalar mekemeleriniń qyzmetine tyıym salynady;
• qalaaralyq qoǵamdyq kólikterdiń qyzmetine ruqsat beriledi;
• mádenı obektilerdiń qyzmetine ruqsat beriledi.

Aqtóbe oblysy Mórtók aýdany bas sanıtar dárigeri N.A. Berkımbaevanyń qaýlysy 24 aqpan saǵat 00:00-den bastap kúshine endi.

"Atyraý oblysy Mártók aýdany turǵyndary arasynda koronovırýs ınfeksııasynyń aldyn alý jónindegi sharalardy kúsheıtý týraly" Aqtóbe oblysy bas sanıtar dárigeriniń 2020 jylǵy 28 qańtaryndaǵy №PGSV-3 qaýlysynyń kúshi joıylsyn dep tanylsyn" delingen qujatta.

Qaraǵandy oblysyna qarasty Qazybek bı atyndaǵy aýdanynyń bas sanıtar dárigeri N. M. Aımaǵambetov karantın sharalaryna qatysty jańa qaýlysyn jarııalady.

Atalǵan qujatta Qazybek bı atyndaǵy aýdany aýmaǵynda shekteý sharalaryn jeńildetý týraly bas sanıtar dárigerdiń 6 aqpandaǵy №414 qaýlysyna ózgerister men tolyqtyrýlar engizildi.

• buqaralyq otbasylyq, saltanatty, eske alý is-sharalarynyń (banketter, úılený toılary, mereıtoılar, as berý), onyń ishinde úıde ótkizilýine tyıym salynady;
• qyzmetkerlerdiń 50%-yn qashyqtan jumys jasaýǵa kóshirý;
• SPA ortalyqtary, monsha, saýnalary karantın rejımin saqtaı otyryp jumys isteýine ruqsat etiledi;
• meshitte namaz oqýǵa ruqsat beriledi.

Shyǵys Qazaqstan oblysynyń bas sanıtar dárigeri  H. Ilıýbaev koronavırýs ınfeksııasynyń taralýyn aldyn alý maqsatynda 19 aqpandaǵy №4 qaýlysyna ózgerister men tolyqtyrýlar engizdi.

Úrjar, Borodýlıha, Shemonaıha, Zaısan aýdandarynyń ákimderi, ShQO densaýlyq saqtaý basqarmasy, ShQO memlekettik kirister departamenti, ShQO polısııa departamenti, qalalar men aýdandardyń sanıtarııalyq-epıdemılogııalyq baqylaý basqarmalary:

Bas sanıtar dárigeriniń qaýlysymen bekitilgen "Memlekettik shekarasy arqyly ótkizý pýnktterinen temirjol, teńiz, ózen kóliginde jáne avtoótpe joldarynda keletin adamdarǵa qatysty shekteý sharalaryna" sáıkes Qazaqstan Respýblıkasynyń memlekettik shekarasy arqyly avtoótpe joldaryna "Aýyl", "Ýba", "Baqty", "Maıqapshaǵaı" (Shemonaıha, Borodýlıha, Úrjar, Zaısan aýdandary boıynsha 1 birlikten) ótkizý pýnktterinde 4 sanıtarııalyq bekettiń jumys isteýin qamtamasyz etsin".

Pavlodar oblysynyń bas sanıtar dárigeri B. Álıev 25 aqpanda karantın sharalary týraly qaýlysyna ózgerister men tolyqtyrýlar engizdi.

Qaýly 27  aqpan saǵat 00:00-den bastap kúshine enedi.

Atalǵan qaýlyǵa sáıkes:

• buqaralyq otbasylyq, saltanatty, eske alý is-sharalarynyń (banketter, úılený toılary, mereıtoılar, as berý), onyń ishinde úıde ótkizilýine tyıym salynady;
• merekelik, oıyn-saýyq, kópshilik mádenı, sporttyq, bilim berý is-sharalardy, kórmelerdi, korporatıvti, forýmdardy, konferensııalardy, sondaı-aq otbasylyq, estelik is-sharalardy ótkizýge tyıym salynady;
• mektepke deıingi mekemlerdiń jumysyna tyıym salynady;
• 30 adamnan aspasa mádenıet obektileriniń qyzmetine ruqsat etiledi.