Bilim jáne ǵylym mınıstrligi apparatyna jańa basshy keldi

Bilim jáne ǵylym mınıstriniń buıryǵymen Qanat Maratuly Sársembaev bilim jáne ǵylym mınıstrligi apparatynyń basshysy qyzmetine taǵaıyndaldy. Bul týraly premer-mınıstrdiń baspasóz qyzmeti habarlady.

Qanat Sársembaev 1978 jyly Ońtústik Qazaqstan oblysynda týǵan. Ál-Farabı atyndaǵy Qazaq ulttyq ýnıversıtetin "zańger" mamandyǵy boıynsha bitirgen. Eńbek jolyn 1998 jyly "Dáneker" halyqaralyq quqyq jáne halyqaralyq bıznes ınstıtýtynyń zańgeri bolyp bastaǵan.

2000-2002 jyldary memlekettik kirister mınıstrliginde jetekshi maman, bas maman bolyp jumys istedi.

2002 jyldan 2005 jyl aralyǵynda – prezıdent ákimshiliginiń zańnama jáne quqyqtyq saraptama bóliminiń aǵa sarapshysynyń m. a., aǵa sarapshysy, bas sarapshysy.

2005 jyldan 2011 jyl aralyǵynda – konstıtýsııalyq keńes apparatynyń quqyqtyq saraptama bóliminiń meńgerýshisi.

2011 jyldan 2015 jyl aralyǵynda prezıdent ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory bolyp jumys istedi.

2015 jyldan 2017 jyl aralyǵynda Qostanaı oblysy Uzynkól aýdanynyń ákimi qyzmetin atqardy.

2017 jyldan 2019 jyl aralyǵynda Soltústik Qazaqstan oblysy ákimi apparatynyń basshysy bolyp jumys istedi.

2019 jyldan 2021 jyl aralyǵynda bilim jáne ǵylym mınıstrliginiń jaýapty hatshysy qyzmetin atqarǵan.