Foto: "Qazaqstan halyq partııasynyń" baspasóz qyzmeti

"Qazaqstan halyq partııasy" fraksııasynyń depýtaty Aıbek Paıaev Qazaqstandaǵy jalaqy kólemi álemde eń tómengi jalaqynyń biri ekenine alańdaýshylyq bildirip, ony kóterý úshin úkimet tarapynan ne istelingeli jatqanyn surap premer-mınıstr Asqar Mamınge depýtattyq saýal joldady

Depýtat 2021 jyldyń basyndaǵy jaǵdaı boıynsha Picodi halyqaralyq servısiniń sarapshylary Qazaqstandaǵy jalaqy kólemi álemdegi 56 eldiń ishindegi eń tómengi jalaqynyń biri dep belgilengenin aıtyp, saqtandyrý jarnalarynyń ósýine baılanysty eń tómengi jalaqy mólsheri 2020 jylmen salystyrǵanda azaıǵan jalǵyz el bolǵanyn atap ótti.

– Nomınaldy túrde eń tómengi eńbekaqy Qazaqstanda ózgergen joq jáne 42 500 teńgege teń, biraq saqtandyrý jarnalarynyń ósýine baılanysty naqty jalaqy ótken jyldan bastap azaıdy jáne endi 37 400 teńgeni qurady (2020 jylmen salystyrǵanda – 1,1%). Sonymen qatar Ýkraınada eń tómengi jalaqy 27%-ǵa, Polshada – 9,8%-ǵa, Belarýste – 6,7%-ǵa, al Reseıde – 5,5%-ǵa ósti.

Zertteý úshin sarapshylar shartty azyq-túlik sebetin quryp, ónimniń qunyn eń tómengi jalaqymen salystyrdy. Azyq-túlik sebeti kelesi taǵamdardan turady: nan, sút, jumyrtqa, kúrish, irimshik, et, jemister men kókónister. 2021 jyldyń basynda qazaqstandyq úshin mundaı azyq-túlik sebetiniń quny 25 280 teńgeni quraıdy, bul bir jyl burynǵymen salystyrǵanda 13,87%-ǵa artyq.

Qalyptastyrylǵan azyq-túlik qorjyny salyq tólegennen keıin eń tómengi eńbekaqynyń 67,6%-yn quraıdy, ótken jyly bul araqatynas 58,7%-ǵa teń boldy. Budan kelip shyǵatyny, Qazaqstanda eń tómengi jalaqy alatyn azamattardyń jaǵdaıy nasharlaǵan. Al qazaqstandyqtardyń laıyqty ómir súrý deńgeıin qamtamasyz etý úshin eń tómengi jalaqy ortasha jalaqymen ǵana emes, otbasynyń jumys istemeıtin músheleriniń bolý múmkindigin eskere otyryp, mindetti túrde ómirdiń naqty qunymen de baılanysty bolýǵa tıis, –  dedi depýtat.

Osy aıtylǵandardy basshylyqqan alǵan Aıbek Paıaev úkimet basshysyna tómendegideı saýaldar joldady:

  1. Búgingi tańda Qazaqstan Respýblıkasyndaǵy eń tómengi jalaqy deńgeıin arttyrý úshin qandaı sharalar qabyldanýda?
  2. Álemdik standarttarǵa sáıkes azyq-túlik jáne azyq-túlik emes taýarlar men qyzmetterge jumsalatyn naqty shyǵystardy kórsete otyryp, eń tómengi kúnkóris deńgeıin esepteý ádistemesin ózgertý josparlanyp otyr ma?
  3. Halyqaralyq ólshemder men qazaqstandyq qoǵamnyń suranystaryna sáıkes Qazaqstan Respýblıkasynda ómir súrý sapasy men deńgeıiniń áleýmettik standarttaryn ázirleý josparlanyp otyr ma?
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir