Nur Otan Shyǵys Qazaqstanda 130 myń jańa jumys ornyn ashady

«Nur Otan»-nyń saılaýaldy shtaby Shyǵys Qazaqstan oblysyna keldi. О́nerkásip jumysshylarymen, dárigerlermen, muǵalimdermen, qala jáne óńir turǵyndarymen 20 shaqty kezdesý ótkizdi.

О́skemen tıtan-magnıı kombınatynyń ujymymen kezdesýde saılaýaldy baǵdarlamanyń negizgi basymdyqtary talqylandy.

Bıleýshi partııa taıaýdaǵy 5 jylda óńirde 130 myń jańa jumys ornyn ashýdy, 2,5 myń kılometr avtojolǵa jóndeý júrgizýdi, 230-dan astam aýyldyń 100 myńdaı turǵynyn sapaly aýyz sýmen qamtamasyz etýdi, 30 myń otbasynyń turǵyn úı máselesin sheshýdi josparlap otyr. Sondaı-aq, kásiporyndardy jańǵyrtý men qoqys óńdeý keshenderin salý esebinen ekologııany jaqsartý jáne zııandy shyǵaryndylardy keminde 10%-ke tómendetý boıynsha birqatar sharalar qolǵa alynady.

Budan keıin saılaýaldy shtab músheleri О́skemen qalasyndaǵy 19-yqsham aýdannyń turǵyndarymen kezdesti. Qalalyqtardy negizinen aýlalar men balalar alańqaılaryn abattandyrý, qoǵamdyq kólik jumysy men kommýnaldyq qyzmetter sapasy sekildi máseleler tolǵandyrady. Atalǵan máselelerdi sheshý úshin nurotandyqtar birqatar naqty mindetterdi pysyqtady. Olar týraly nurotan2021.kz saıtynan tolyǵyraq tanysýǵa bolady.

Osy kúni «Nur Otan» ókilderi oblystaǵy Ana men bala ortalyǵyna bardy.

Respýblıkalyq saılaýaldy shtab jetekshisi Baýyrjan Baıbek atap ótkendeı, otbasyn qoldaý men nyǵaıtý – eldiń tabysty damýynyń kepili. Aldaǵy 5 jylda otbasyn qoldaý úshin áleýmettik tólemder men memlekettik járdemaqylar boıynsha barlyq mindettemeniń oryndalýy qamtamasyz etiledi. Sondaı-aq, «Nur Otan» partııasy ınflıasııa deńgeıin eskere otyryp, áleýmettik járdemaqylarǵa ındeksasııalaý júrgiziledi. Osy maqsatqa 3 trln-nan astam teńge baǵyttaý josparlanýda.

Kópbalaly, tolyq emes, erekshe qajettilikteri bar balalardy tárbıelep otyrǵan otbasylardy qoldaý maqsatynda áleýmettik kásipkerlikti, otbasyn jumyspen qamtýdy damytý boıynsha sharalar qabyldanady.

«Baqytty otbasy» partııalyq jobasy aıasynda biz turmystyq zorlyq-zombylyqty azaıtý boıynsha júıeli sharalardy qolǵa alamyz. Eldegi árbir qala men aýdanda otbasyn qoldaý, otbasylyq shıelenisterdi sheshý jáne balaly áıelderge ýaqytsha turǵynjaı usyný ortalyqtary qurylady. Bul rette «Otbasylyq-turmystyq zorlyq-zombylyqqa qarsy is-qımyl týraly» zań qabyldanyp, otbasylyq sottar qurylatyn bolady. О́mirlik qıyn jaǵdaıǵa tap bolǵan otbasylar men balalarǵa ataýly kómek kórsetý úshin «111 shuǵyl qyzmet» jumysy qamtamasyz etiledi», - dedi ol.

«Nur Otan» partııasynyń saılaý qory qarajaty esebinen tólendi