Nur-Sultandaǵy jarylystan zardap shekkender aýrýhanaǵa jatqyzyldy

Nur-Sultanda dámhanasyndaǵy gaz ballony jarylysynan zardap shekken 23 adam aýrýhanaǵa jatqyzylǵany habarlandy.

Keshe elorda dámhanalarynyń birinde joıqyn jarylys bolyp, bir adam qaza bolǵan. Qazirgi ýaqytta 23 adam aýrýhanaǵa jatqyzyldy.

"Zardap shekkenderdiń bári birden qalalyq stasıonarlarǵa jetkizildi. Dárigerler qarap shyqqannan keıin 23 adam aýrýhanaǵa jatqyzyldy, jeńil-jelpi jaraqat alǵan 11 adam ambýlatorlyq emge jiberildi" delingen qalalyq qoǵamdyq densaýlyq saqtaý basqarmasynyń habarlamasynda.

Sondaı-aq atalǵan fakt boıynsha qylmystyq kodekstiń 292-baby 2-tarmaǵy boıynsha (Abaısyzda adam ólimine nemese ózge de aýyr zardaptarǵa ákep soqqan is-áreket) sotqa deıingi tergeý jumystary bastaldy.

Aıta keteıik, keshe elorda ákimi Altaı Kólginov gaz ballony jarylǵan dámhanadaǵy órtten qaza bolǵan qyzdyń otbasyna kóńil aıtyp, kómek kórsetiletinin málim etken.