Mınıstr kredıt alýshylarǵa qatysty zań jobasyn túsindirdi

Mıkroqarjy uıymdaryn bankterge teńestirgende kredıt alýshylardyń jaǵdaıy jaqsarady. Bul týraly Ulttyq ekonomıka mınıstri Rýslan Dálenov aıtty.

– Qaryz alýshylardyń jaǵdaıy jaqsarady. Búgingi tańda banktik emes sektorǵa kiretin uıymdar azamattarǵa kredıt berýde. Biraq mólsherlemeleri joǵary, aıyppuldary men komıssııalary da joǵary. Qaryz alýshylar keıde saýatsyz bolýy múmkin. Atalǵan uıymdar osyny paıdalanyp, azamattarymyzdyń quqyǵyn buzady. Saldarynan qarjylyq táýekelder týyndap jatady, – dedi mınıstr.

Onyń aıtýynsha, mıkroqarjy uıymdaryn qarjy uıymdaryna teńestirý usynylyp, retteletin bolady.

– Kredıttiń shekti mólsherlemesi boıynsha talap qoıylady degen sóz. Basshylary men aksıonerlerge uıymdy jabdyqtaý jóninde talaptar qoıylady. Ýákiletti organ, ıaǵnı, qarjy naryǵyn retteý agenttigi lısenzııalanatyn qyzmetterdi tekseretin bolady. Munyń bári kredıt alatyndardyń quqyǵyn kúsheıtip, qarjylaı táýekelderdi azaıtady, – dep atap ótti Rýslan Dálenov.