Medısına qyzmetkerlerine ústemeaqyǵa 154,7 mlrd teńge bólindi

Koronavırýs ınfeksııasyn aldyn alýǵa jáne emdeýge, sondaı-aq Covid-19-dyń taralýyn boldyrmaý maqsatynda epıdemııaǵa qarsy is-sharalarǵa qatysqany úshin medısına qyzmetkerlerine ústemeaqy tóleýge áleýmettik medısınalyq saqtandyrý qoryna 154,7 mlrd teńge bólindi, dep habarlaıdy Qamshy.kz aqparat agenttigi «Áleýmettik medısınalyq saqtandyrý qory» KeAQ-nyń baspasóz qyzmetine silteme jasap. 

2020 jyldyń naýryz-qyrkúıek aılary aralyǵynda qorǵa 135,6 mlrd teńge tólendi. Shyǵyndardyń basym bóligin, ıaǵnı 81,3 mlrd teńgeni epıdemııaǵa qarsy is-sharalarǵa tartylǵan medısına qyzmetkerleriniń jalaqysyna ústeme qurady.

«Densaýlyq saqtaý mınıstrligi ortalyq deńgeıde jáne jergilikti atqarýshy organdar koronavırýstyń yqtımal ekinshi tolqynyna daıyndyq jumystaryn jalǵastyrýda. О́z kezeginde Qor koronavırýs pen pnevmonııamen aýyratyn naýqastarǵa kórsetiletin medısınalyq kómektiń ýaqytyly tólemin júrgizedi. Bul rette, osy aýrýlarmen aýyratyn pasıentterge medısınalyq kómek MÁMS júıesindegi saqtandyrylý mártebesine qaramastan kórsetiledi» dep habarlady ÁMSQ baspasóz qyzmeti.

Naýryzdan qyrkúıekke deıin provızorlyq jáne karantındik stasıonarlarǵa emdeýge jatqyzýdy qarjylandyrýǵa 24,5 mlrd teńgeden astam qarajat jumsaldy, olarda karantındik oqshaýlaý jáne qajet bolǵan jaǵdaıda 240 myńnan astam adam emdeldi.

Osy kezeńde ınfeksııalyq stasıonarlarda 72 myń pasıent emdeldi. Covid-19 jáne koronavırýstyq pnevmonııamen aýyratyn naýqastardy ambýlatorııalyq jáne stasıonarlyq jaǵdaıda emdeýge barlyǵy 18,8 mlrd teńge jumsaldy.

PTR dıagnostıkasyn júrgizýge 19 mlrd teńgeden astam qarajat bólindi. Naýryzdan qyrkúıekke deıin júrgizilgen testileý úshin Qor 10,7 mlrd teńge tóledi. PTR-testileýden elimizdiń stasıonarlarynda 222 024 qazaqstandyq, ambýlatorııalyq jaǵdaıda 708 124 adam ótti.