Almaty mańyndaǵy Baıserke aýylynda ornalasqan demalys ornynyń ıesi men qyzmetkerleri janjaldasyp, oq jaraqatyn alǵany habarlandy.

31 qazanda saǵat 15:50-de Ile aýdanynyń kezekshi bólimine "Polıana" demalys ornynda atys bolǵany týraly habarlama túsken. Polıseıler oqıǵa ornyna jetkende saǵat 15:00-ge qaraı medısına maskasyn taqqan 15-20 adam demalys ornyna kelgeni jáne sol jerde mekeme ıesimen 1980 jyly týǵan er adammen janjaldasyp qalǵany anyqtalady. Janjaldasýshylardyń biri oq atqan.

Belgisiz adamdar oqıǵa ornynan sur tústi Mercedes w140 jáne aq tústi Mercedes kóligimen qashyp ketken.

"K.N. Kýznesovtyń ishine oq tıgen (rezeńke oq), sondaı-aq demalys ornynyń qyzmetkerleri 1980 jyly týǵan M.S. Slıamovqa (sol aıaǵyna), 1994 jyly týǵan Iа.A. Pomazkovqa (oń aıaǵyna) oq tıgen. M. Slıamov jáne Iа. Pomazkov Almaty qalasyndaǵy № 4 aýrýhanaǵa jetkizildi.

Atalǵan derek qylmystyq kodekstiń 293-babynyń ("Buzaqylyq") 3-bóligi boıynsha sotqa deıingi tergeýdiń biryńǵaı tizilimine tirkeldi. Oqıǵa ornynan 2-9 mm, 2-5,45 mm bolatyn 4 oqsaýyt, rezeńke oq tabyldy" dep habarlady polısııa qyzmetkerleri.

№4 aýrýhana bas dárigeriniń orynbasary Anarbek Mongoldyń aıtýynsha, 31 qazanda aýrýhanaǵa eki naýqas kelip tústi. Dıagnozdary: oń jilinshiginiń oq jaraqaty men sol jaq jilinshiginiń ashyq oq jaraqaty. Sonymen qatar, sol jaq asyqty jiliginiń synyǵy anyqtalǵan. 02.11.2020-daǵy jaǵdaı boıynsha naýqastardyń jaǵdaıy ortasha aýyr, esin jınady, hattama boıynsha em alyp jatyr.

"Qamshy" silteıdi
Ilmek sózder: Almaty atys

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir