16 Qazan, 2020 NEWS
Foto: qamshy.kz
Dárigerlerdiń jalaqysy 2025 jylǵa deıin 550 myń teńgege deıin ósedi. Bul týraly respýblıkalyq densaýlyq saqtaýdy damytý ortalyǵynyń bas dırektory Qanat Tósekbaev onlaın brıfıngte habarlady.
– Memlekettik densaýlyq saqtaý baǵdarlamasy boıynsha 2023-2025 jyldary dárigerlerdiń jyl saıyn jalaqysyn ósirý qarastyrylǵan. Eger olardyń ortasha aılyǵy 98 myń teńge bolatyn bolsa, 2023 jylǵa qaraı ortasha jalaqylary 253 myńǵa deıin jetedi, – dedi ol.
Respýblıkalyq ortalyqtyń dırektory 2025 jylǵa qaraı dárigerdiń ortasha jalaqysy 550 myń teńgege deıin jetetinin aıtty.
– Densaýlyq saqtaýdy damytýdyń 2020-2025 jyldarǵa arnalǵan memlekettik baǵdarlamasynda jalaqyny ósirý jaıy qarastyrylǵan. Al 2025 jylǵa qaraı dárigerlerdiń ortasha jalaqysy 550 myń teńgege deıin jetetin bolady, – dep atap aıtty Tósekbaev..
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir