Almatyda tegin dombyra mektebi ashyldy

Almatyda kásipkerler óz qarajatyna balalarǵa arnalǵan tegin dombyra mektebin ashty. Bul týraly qala ákimi Baqytjan Saǵyntaev Instagram -daǵy paraqshasynda jazdy.

«Almatylyqtarǵa tán qasıettiń biri — áleýmettik jaýapkershiliktiń joǵary deńgeıde bolýy. Jetisý aýdanynda kásipkerler óz qarajatyna balalarǵa arnalǵan tegin dombyra mektebin ashty. Qaraýsyz qalǵan ǵımaratty qalpyna keltirýge Sáken Meıirbekov kómek kórsetse, bólmelerdi jabdyqtaý shyǵynyn Aınur Jumash óz moınyna aldy. Sabaq sanıtarlyq qaýipsizdik talaptar jaǵdaıynda ótkiziledi»,– dep jazdy Baqytjan Saǵyntaev.

Ustazdar qalalyq Jumyspen qamtý ortalyǵy arqyly jumysqa qabyldanǵan Qurmanǵazy atyndaǵy konservatorııanyń túlekteri.