Almatyda bes balasy bar qaıyrshy aqsha berýden bas tartqany úshin júrgizýshige shabýyl jasady. Bul oqys oqıǵanyń beınejazbasy áleýmettik jelilerde tarady. 

Jarııalaǵan jazbada oqıǵa "Altyn Orda" bazarynyń janynda bolǵany aıtylady.

"Bes balasy bar qaıyrshy aqshasyn bermegeni úshin kóliktiń artqy terezesin syndyrdy. Sodan keıin ol bizge taıaqpen shabýyldap, tas laqtyrdy", – dep jazdy avtor.

Polısııa qaıyrshyny eki saǵat júrip ustaı almaǵan. Jazba avtorynyń sózinshe, qaıypshy anasynyń beti kógertip, qolyn tistep alǵan. 

Almaty oblysynyń polısııasy qaıyrshy áıelge qatysty 6 hattama toltyrylǵanyn málimdedi.

– Esh jerde jumys istemeıtin, "Altyn orda" mańynda qaıyr surap qana kúneltetin 37 jastaǵy kelinshekke qatysty 6 hattama toltyryldy: "Densaýlyqqa zııan keltirý", "Usaq buzaqylyq", "Qoqys tastaý", "Qoǵamdyq orynda qol júgirtý", – delingen polısııa departamentiniń bergen resmı jaýabynda. 

Qazir oqıǵa boıynsha ákimshilik is qozǵalyp, sot-medısınalyq saraptama taǵaıyndady. 

 

 

 



 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir