30 Qyrkúıek, 2020 Batys Qazaqstan oblysy

Toqaev Batys Qazaqstan oblysynyń ákimi Ǵalı Esqalıevti qabyldady

Foto: Aqorda saıty

Prezıdent Q.Toqaev Batys Qazaqstan oblysynyń ákimi Ǵalı Esqalıevti qabyldady. Bul týraly Aqorda saıty habarlady. 

Qazaqstan prezıdentine óńirdiń áleýmettik-ekonomıkalyq damýynyń negizgi kórsetkishteri, sondaı-aq, buǵan deıin berilgen tapsyrmalardyń oryndalýy jóninde baıandaldy.

Qasym-Jomart Toqaevqa Jaıyq ózenindegi sý deńgeıiniń tómendeýi, óńirdiń energııaǵa táýeldiligi jáne jergilikti joldardyń jaǵdaıy sııaqty oblystaǵy negizgi máseleler týraly málimet berildi. Memleket basshysy Batys Qazaqstan oblysynyń ákimine Úkimetpen birlese otyryp, atalǵan problemalardy sheshýdi tapsyrdy.

Qasym-Jomart Toqaev etti mal sharýashylyǵyn damytý jáne osy baǵytqa ǵylymı turǵydan basa mán berý, munaı men gaz óndirýge qatysy joq salaǵa tartylatyn ınvestısııany ulǵaıtý, ónerkásipti ártaraptandyrý, sondaı-aq, óńdeý sektorynyń óndirisin arttyrý jóninde Ǵalı Esqalıevtiń aldyna birqatar mindet qoıdy.

Memleket basshysy jumyssyz jáne ózin-ózi jumyspen qamtyǵan azamattardy ekonomıkalyq qyzmetke tartýdy jalǵastyrýǵa, sonymen qatar aımaqtaǵy úsh aýysymdy jáne apatty jaǵdaıdaǵy mektepterge qatysty máselelerdi túbegeıli sheshýge tapsyrma berdi.

Ilmek sózder: BQO Qasym Jomart Toqaev

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir