Aqtóbelikter «Nur Otan» praımerızine belsendi qatysyp jatyr

Qujat qabyldaýdyń alǵashqy kúnderi Aqtóbe qalasy men Alǵa, Muǵaljar, Qarǵaly aýdandarynyń turǵyndary belsendilik tanytqan. ⠀Tirkelgenderdiń 78-i áıel, 89-y er azamattar.  53 úmitkerdiń jasy 35-ke jetpegen. 48 partııalyq bastaýysh partııa uıymdarynan usynylsa,  119 adam óz erkimen qatysyp otyr.

-⠀Praımerız - partııaishilik saılaý.  Onyń maqsaty – Parlament májilisindegi jáne máslıhattaǵy tıimdi depýtattyq korpýsty odan ári qalyptastyrý, partııalyq jeli boıynsha ilgeriletý, olardy memlekettik organdardaǵy laýazymdarǵa usyný úshin básekelestik kúres negizinde myqty kóshbasshylardy anyqtaý, - dedi Erbol Danaǵulov praımerızdiń maqsaty men mindetin túsindirgende.

Onyń aıtýynsha, osy saıası naýqandy ótkizý boıynsha Aqtóbe oblysy fılıalynyń qadamdyq jospary ázirlengen. Ol 5 negizgi kezeńnen turatyn is-sharalardy qamtıdy.

Osy qadamdyq jospar boıynsha oblysta 25 jerde jarııa debat uıymdastyrylady. Ol 3 deńgeıde: úgit-nasıhat  barysynda, partııanyń aýdandyq, qalalyq jáne oblystyq fılıaldarynyń konferensııasynda ótedi. Barlyq kandıdattar túgelimen debattarǵa qatysýy qajet.

1-3 qazan aralyǵynda oblystaǵy 33 myńnan astam partııa múshesiniń daýys berýi úshin 136 daýys berý ýchaskeleri belgilenipti. Onyń ınternet baılanysyna qosylmaǵan 42 ýchastokta  dástúrli bıýlletenmen,  94 ýchastokta onlaın  daýys  berý  josparlanyp  otyr.

-Praımerız - elimizdiń damýyna múddeli jigerli, bilimdi, belsendi azamattar úshin jańa «áleýmettik saty» ispetti. Endeshe, óz kúshine senimdi, elimizdi, oblysymyzdy damytqysy keletin aqtóbelikterdi praımerızge belsendi qatysýǵa shaqyramyn, - dedi Erbol Danaǵulov.

Aıta ketý kerek, kandıdattardy tirkeý kezeńi 28 tamyzǵa deıin jalǵasady. Aqtóbe qalasy turǵyndary Týrgenev kóshesi, 86 meken-jaıy boıynsha nemese 54-11-56 telefony arqyly partııa fılıalyna (uıymdastyrý komıtetine) habarlasa alady.