Tuńǵyshbaı Jamanqulov: Kitabyma jaýlarymnyń aty-jóni men aryzyn túgel qostym

Akter, rejısser, pedagog, Qazaqstannyń halyq artısi – Tuńǵyshbaı Jamanqulov Qamshy.kz portalynyń ujymyna arnaıy suhbat berdi. Tolyq nusqasy QAMSHY.TV youtube arnasynda jarııalandy. Tómende suhbattyń bir bóligin oqyrmanǵa usynamyz. 

– 70 jas mereıtoıyńyzǵa oraı "Qýyrshaqtar" qoıylymyn sahnalaǵan edińizder. Ol spektakl kórermenge qaıta usynyla ma?

–  Meniń jolym – aýyr, tuzym – sor. 70 jas mereıtoıym toılanbaı qaldy...Memlekettik deńgeıdi, óner áleminde úlken toı bolǵan joq. Oǵan ókinbeımen de. Toı kórmeı júrgenim joq. Bıyl 1-jeltoqsanda sahnaǵa shyqqanyma týra 50 jyl tolady. Ol da úlken beles. Sol 70 jyldyǵymda ónerde, teatrda, mınıstrlikte "ózgeshe" adamdar júrdi ǵoı. Solardyń dúmpýinen, shettetýinen sahnadan ajyrap, sosyn menen keıin basshy bolǵandardyń maǵan degen kózqarastarynyń salqyndyqtary odan saıyn kóbeıip, meniń jasaǵan tirligime qarsy bolǵandar boldy. Sóıtip men de 10-15 jyldaı rólsiz júrdim. Aýyr boldy...  70-ke kelgende dramatýrg Q.Murattyń 4-5 jyl buryn jazylǵan pesasyn taýyp aldym jáne ol pesa  dál sol kezdegi jaǵdaıyna dál keldi.  Sodan mınıstrlikten, teatrdyń basshylarynan qorqyp júrip, Tarazda daıyndalyp, birneshe ret premera oınadyq. Sodan keıin osy teatrdyń (M.Áýezov atyndaǵy Qazaq memlekettik akademııalyq drama teatry – avt.)  kishi zalynda oınaıyq dep  sol kezdegi dırektor Ashat Maemırovke qolqa salǵanda, qolqamyzdy qabyldamaı, kirgizdirmeı qoıdy. Kishi zalda da oınattyrmaı qoıdy. Sodan Almatydaǵy Qýyrshaq teatrynda eki kún kórsettik. Biraq bolashaqta osy qoıylymmen elimizdegi qalalardy aralap, qoısaq deımin. 

– Siz týraly bıografııalyq kitap jazylsa, aty qandaı bolar edi?

– Men ózim jazdym ǵoı bıografııalyq kitapty.  "Naz" dep atalady... Onyń ishine meniń ústimnen sebepsiz jazylǵan aryzdardy qostyrdym, oǵan qol qoıǵan meniń baýyrlarymnyń attaryn ádeıi jazdym. Eger aqyly bolsa, uıalsyn. Aqyly bolmasa, "ózine sol kerek" dep oılasyn. Munyń bári ókpe de, ósh alý da emes, naz aıtý.  Sanalyǵa naz aıtý. Al men týraly bireý kitap jazady dep oılamaımyn. Qandaı zaman bolaryn kim biledi? Bálkim iz-túzsiz umytylarsyz...

"Qýyrshaqtar" qashan sahnalanady? Akterdiń ókinishi ne? Neden qorqady? Kitabyna "dostarynyń" qoly qoıylǵan aryzyn túgel qosyp, aty-jónderin bergen T.Jamanqulovtyń bul áreketi ósh alý ma? О́kpe me? Osy jáne ózge de suraqtardyń jaýabyn suhbattyń QAMSHY.TV youtube arnasyndaǵy tolyq nusqasynan kóre alasyzdar.