15 Tamyz, 2020 NEWS

ShQO: Besqaraǵaıda egin jınaý jumystary bastaldy

Foto: ShQO aqparattyq ortalyǵy

Besqaraǵaıdaǵy agrarlyq sektordyń damýy týraly onlaın-brıfıngte aýdan ákimi Shalqar Baıbekov aıtyp berdi.
Bıyl 43,7 myń ga jerge 18,7 myń ga dándi daqyldar, 20,1 myń ga maıly daqyldar; 400 ga kartop; 300 ga kókónis; 1,5 myń baqsha egildi. 10 tamyzdan bastap egin jınaý bastaldy. Mal azyǵyn daıyndaý jumystary júrgizilýde. Búgingi kúni jospardaǵy 105 myń tonnaǵa qaraǵanda 40 myń tonna jınaldy.
- "Altyn Munaı" JShS arqyly kúzgi dalalyq jumystarǵa 975 tonna arzan dızel otyny bólindi. "Eńbek" nátıjeli jumyspen qamtý jáne jappaı kásipkerlikti damytý baǵdarlamasy boıynsha "Qarjylyq qoldaý qory" AQ jáne "Agrokredıt korporasııasy" AQ arqyly 19 úmitker 114 mln. teńgege iri qara malyn satyp alýǵa qatysyp otyr. "Agrotehnıka" baǵdarlamasy boıynsha "Besqaraǵaı nesıe" KT arqyly jalpy somasy 90,7 mln.teńge bolatyn 4 joba iske asyrylýda. "Agrobıznes" baǵdarlamasy boıynsha 2 ótinish berýshige aýylsharýashylyq tehnıkasyn satyp alýǵa 26,8 mln. teńge nesıe berildi. "Qarapaıym zattardy únemdeý" baǵdarlamasy aıasynda "Agrokredıt korporasııasy" AQ arqyly 7 úmitker 143,6 mln teńge somasyna qatysýda, - dedi Besqaraǵaı aýdanynyń ákimi.
Aýylsharýashylyq nesıeleýdiń barlyq baǵdarlamalarynyń jalpy somasy 375,1 mln.teńge quraıdy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir