Koronavırýspen aýyryp, jazylǵan adamdar da maska taǵýy tıis — Almaty ınfeksıonısteri

Búgin Almaty qalasynyń óńirlik kommýnıkasııa qyzmeti alańyndaǵy onlaın-suhbat barysynda Ftızıopýlmonologııa ortalyǵynyń ınfeksııalyq stasıonar meńgerýshisi Abzal Malbasqanov taǵy bir ret Almaty turǵyndaryn maska rejımin saqtaýǵa shaqyrdy.

Búginde aýa tamshylary arqyly taralatyn aýrýlardyń, sonyń ishinde eń bastysy- koronavırýstyń aldyn-alý úshin maska taǵý- eń negizi qural bolyp turǵanyn esterińizge sala ketkimiz keledi.

Abzal Malbasqanov suhbat barysynda maskany tek deni saý ne aýyryp júrgen adamdar ǵana emes, sondaı-aq, koronavırýspen aýyryp bolǵan adamdar da taǵýǵa mindetti ekendigin atap ótti.

«Bul pandemııa kezindegi áleýmettik jaýapkershiliktiń eń ótkir máselesi. Sebebi, adamdar koronavırýspen aýyrdym jáne maǵan endi juqpaıdy dep oılaıdy. Alaıda olardyń basqalarǵa juqtyrý qaýipi árqashan bar», — dedi Abzal Malbasqanov.

Bir ret aýyrǵan adamdardyń qaıtadan aýyrý qaýipi bar ekendigin aıtyp ótti. Esterińizge sala keteıik, COVID-19-dy qaıta juqtyrý qaýpi joq ekendigi týraly ǵylymı dálel joq.

Sondaı-aq, ol maska taǵý – qaýiptiligi jaǵynan táýekel tobyna enetin týǵan-týystaryn qorǵaýǵa múmkindik beretinin aıtty. Jastarda bul aýrýdyń sımptomy bilinbeı ótýi múmkin. Alaıda olar egde jastaǵy adamdarǵa ınfeksııa taratýshy bolýlary ábden yqtımal. Al egde adamdar bul aýrýmen aýyr nemese óte aýyr formada aýyrady.

«Keıbir adamdar ózderiniń koronavırýspen aýyryp júrgendigin bilmeıdi. О́ıtkeni, olarda sımptomy baıqalmaı ótedi. Bul adamdar basqalarǵa, ásirese ata-anasyna juqtyrady. Olar ózderi aýyrmaıdy, biraq baıqamaı jaqyndaryna juqtyrady», — dep tolyqtyrdy Abzal Malbasqanov.

Sondaı-aq, ftızıatr dáriger maskalardy qoldaný jáne joıý erejelerine toqtaldy.

«Bir maskany birneshe kún boıy jáne eki saǵattan artyq taǵýǵa bolmaıdy. Matadan jasalǵan maskalar bar. Olardy uzaq qoldanýǵa, qaıtadan jýyp, dezınfeksııa jasap qaıtadan taǵa berýge bolady», — dep túıindedi sózin A. Malbaskanov.

Respıratorlyq klapany bar maskadan góri, tolyq jabylyp turatyn túri áldeqaıda tıimdi ekendigin aıtty. Eger adam aýyryp tursa nemese vırýs tasymaldaýshy bolsa, onda ol shyǵaratyn aýa atmosferaǵa túsip, kelesi adamdy juqtyrýy múmkin.