Foto: Qamshy.kz
Búgin jýrnalıst Mırbolat Bıshýınovtyń appelıasııalyq soty ótti. Ol Qytaıdyń Almatydaǵy konsýldyǵy aldynda pıketke shyǵyqqany úshin 3 tamyzda "beıbit jınalystardy uıymdastyrý jáne ótkizý tártibi týraly zańnamada belgilengen tártipti buzdy" dep aıyptalyp, 15 kúnge qamaýǵa alynǵan.
Mırbolat Bıshýınov aksııany Qytaıdyń Qazaqstandaǵy elshisi Chjan Sıaonyń "Qazaqstan men Qytaı áskeri aımaqtaǵy túrli-tústi revolıýsııaǵa qarsy birge kúresedi" degen málimdemesine narazylyq retinde jasaǵan.
Jýrnalıst jaqtastary Almaty qalasy Medeý aýdandyq soty shyǵarǵan sheshimmen kelispeı, qalalyq sotqa shaǵymdanǵan.
Kelýshiler karantınge baılanysty sot sheshimin syrtta tosyp turdy.
Appelıasııalyq sotqa Bıshýınovtyń advokaty qatyspady. Jýrnalıst jaqyndarynyń sózinshe, adam quqyqtary jónindegi qazaqstandyq bıýro tarapynan taǵaıyndalǵan zańger sot bolatyn kúni telefon tutqasyn kótermegen.
Belsendiniń tanystary advokaty joqtyǵynan sot sheshiminiń qandaı bolǵanyn birden bile almady.
Sýdıa hatshysy sheshim týraly aqparat táýlik ishinde beriletinin aıtqan.
Artynsha Almaty qalalyq sotynyń baspasóz hatshysy Abaı Jarylqasyn Qamshy tilshisine Mırbolat Bıshýınovtyń aryzy jartylaı qanaǵattandyrylyp, 15 táýlikke qamaýǵa alý merzimi 4 táýlikke deıin qysqartylǵanyn habarlady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir