Eriktiler 4 mıllıon 867 myńǵa azyq-túlik sebetterin taratty

Elde qoǵamǵa paıdasyn tıgizemin deıtin eriktilerdiń qatary artyp keledi. Elimizdiń túkpir-túkpirinde túrli qaıyrymdylyq uıymy jumys isteıdi. Solardyń biri Almaty oblysy Talǵar aýdandyq jastar resýrstyq ortalyǵynyń janynan qurylǵan "Volunteens Club" eriktiler toby. 

Top músheleri 100 eriktiden turady. Shynar Ábildaeva jetekshilik etetin bul top talǵarlyqtardyń alǵysyna bólenýde.  Olar "Biz Birgemiz!"  jobasy aıasynda 50 kóp balaly otbasyna azyq-túlik sebetterin taratýǵa úles qosty. Grant somasy 500 000 teńge. Grant berýshi "Zelenaıa ekonomıka" Qoǵamdyq Qory, "Coca-Cola Belesteri" jobasy. Sonymen qatar, "Halyq" qaıyrymdylyq qorynyń demeýshiligimen berilgen  COVID-19 pandemııasyn kezindegi Talǵar aýdanynyń 341 kópbalaly otbasyna jalpy somasy 4 mıllıon 867 myń teńgege azyq-túlik sebetterin aýdan eriktileri taratty. "Birgemiz: Taza Alem" jalpyulttyq jobasyn júzege asyrý barysynda "Ekoevolıýsııa" ekologııalyq jobasy  iske asyrylýda. Aýdan jastary I toptaǵy múmkindigi shekteýli azamat Baqdáýlet Ámirhanovtyń otasyna qarajat jınaýdy qol alǵan edi. Nátıjesinde 1 mıllıon 13 myń teńge qarajat jınalyp, Baqdaýlettiń otbasyna tapsyryldy. Intrakranıaldy gıpotenzııa dıagnozy anyqtalǵan naýqas Nursultan Orazbekke 285 myń  teńge qarjylaı kómek kórsetti. Elde jarııalanǵan  pandemııa ýaqytynda  jastar resýrstyq ortalyǵynyń jetekshisi Z. Qalymbetova bastaǵan volonterler toby aýdanǵa qarasty 1 qala jáne 10 aýyldyq okrýgindegi az qamtylǵan, kópbalaly 519 otbasyǵa  azyq-túlik sebetterimen kómek kórsetti. Sonymen qatar, 3500 dana (kóp rettik)  maska tigilip, qart kisiler,  turmysy tómen, kópbalaly otbasylarǵa, erekshe qajettilikteri bar azamattar men   jáne muqtaj jandarǵa úlestirildi.

Eriktiler munymen toqtap qalmaıdy. Áli de talaı ıgi is jasaıtyny aıqyn. Eń bastysy, eli úshin týǵan jandar barlyq jaqsylyq ataýlyny týǵan jerine degen súıispenshilikpen, shynaıy júrekten isteıdi.

Aıdar QALIEV