ShQO-da naýqastaný monıtorıngi júrgiziledi

Shyǵys Qazaqstan óńirlik kommýnıkasııalar qyzmetinde ótken brıfıng barysynda eńbek, áleýmettik qorǵaý jáne kóshi-qon komıtetiniń ShQO boıynsha departamentiniń múgedekterdi áleýmettik qorǵaý salasyndaǵy baqylaý bóliminiń basshysy Maqsat Chýkýbaev «Qazaqstan Respýblıkasynyń múgedekterdi áleýmettik qorǵaý týraly» jáne «Arnaýly áleýmettik qyzmet týraly» QR zańdarynyń talaptarynyń saqtalýyn baqylaýdyń qortyndysy jáne stasıanarly medısınalyq-áleýmettik mekemelerdegi koronavırýs ınfeksııasyna qarsy júrgizilgen is-sharalar týraly aıtyp berdi.

 

Brıfıng barysynda bólim basshysy aǵymdaǵy jyldyń birinshi jartyjyldyǵynda jaýapty sala mamandary 21 tekseris júrgizgenin atap ótti. Onyń ishinde 20 bekitilgen tizimge sáıkes arnaýly áleýmettik qyzmetterdi kórsetý jáne múgedekterdi áleýmettik qorǵaý salasyndaǵy QR zańnamasyn saqtaý taqyrybynda profılaktıkalyq baqylaý jáne 1 jospardan tys tekseris jasalǵanyn aıtty.

 

- Profılaktıkalyq baqylaý nátıjesinde múgedekterdi áleýmettik qorǵaý jáne arnaýly áleýmettik qyzmet kórsetý salasynda QR zańnamasy talaptarynyń 95 buzýshylyǵyn joıý boıynsha 20 uıǵarym berildi, - dedi Maqsat Chýkýbaev.

 

Bólim basshysynyń aıtýynsha, jospardan tys tekseristiń qortyndysy boıynsha múgedekterdi áleýmettik qorǵaý jáne arnaýly áleýmettik qyzmet kórsetý salasynda QR zańnamasy talaptarynyń 7 buzýshylyǵyn joıý týraly uıǵarym berilip, «Ákimshilik quqyq buzýshylyq týraly» QR kodeksiniń 84 baby, 1 bólimi, 1 tarmaqshasyna sáıkes «Aıagóz balalarǵa arnalǵan arnaıy áleýmettik qyzmet kórsetý ortalyǵynyń dırektoryna laýazymdy tulǵa retinde 27780 teńge kóleminde ákimshilik aıyppul salynǵan.

 

- Departamenttiń halyqty áleýmettik qorǵaý salasyndaǵy baqylaý bólimine ShQO sanıtarlyq-epıdemıologııalyq ahýalǵa baılanysty jergilikti atqarýshy organnyń medısınalyq-áleýmettik mekemelerdegi qyzmet alýshylar jáne qyzmetkerlerdiń koronavırýs ınfeksııasy boıynsha naýqastaný monıtorıngi júrgiziledi, - dedi Maqsat Chýkýbaev.