12 Shilde, 2020 NEWS
Kórneki sýret
Dúnıejúzilik bank Qazaqstanǵa 2021-2025 jyldarǵa arnalǵan mal sharýashylyǵynyń turaqty damý jobasyn iske asyrýǵa 500 mıllıon dollar (459,8 mıllıon eýro) nesıe berýge nıetti. Nesıeni úkimet atynan qarjy mınıstrligi almaq.
Aýyl sharýashylyǵy mınıstrliginiń baspasóz qyzmeti 500 mln dollar kezeń-kezeńmen jáne mal sharýashylyǵyn turaqty damytý jobasyn iske asyrýdyń naqty nátıjelerine qol jetkizilgennen keıin ǵana beriletinin habarlady.
"Dúnıejúzilik bank jobasynyń negizgi maqsaty – úlken eksporttyq áleýetke ıe ári quny joǵary ekologııalyq taza sıyr etin óndirýdi jáne qazaqstandyq et eksportyn qoldaý. Sol arqyly Qazaqstan ekonomıkasynyń ósýine yqpal etý jáne aýyldyq jerlerde ómir súrý jaǵdaıyn jaqsartý" delingen habarlamada.
Aýyl sharýashylyǵy mınıstrligi joba aıasynda tómendegideı nátıjelerge qol jetkizý josparlanǵanyn habarlady.
- 20 myń fermerge nesıe berý;
- 100 myń fermerge bilim berý;
- balama energııa kózderin qoldana otyryp, mal sharýashylyǵynyń ınfraqurylymyn damytýǵa fermerlerge qarjylyq qoldaý;
- sıyr etin ımporttaıtyn elderdiń talaptaryna sáıkes mal sharýashylyǵy ónimderin baqylaý júıesin qurý;
- jeke jáne tájirıbelik veterınarlardy shaǵyn jáne orta fermalarǵa qyzmet kórsetýge, sondaı-aq veterınarlyq is-sharalarǵa tartý.
Mınıstrlik joba joǵaryda atalǵan is-sharalardy tikeleı qarjylandyrýdy kózdemeıtinin, nesıe qarajaty Qazaqstannyń agroónerkásiptik keshenin damytýdyń memlekettik baǵdarlamasyn iske asyrýdy qoldaýǵa jumsalatynyn málimdedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir