06 Shilde, 2020 NEWS

Koronavırýs. Almatyda apta sońyna deıin taǵy 500 oryn ázirlenedi

myseldon.com

Baspasóz konferensııasynyń barysynda Almaty qalasynyń ákimi Baqytjan Saǵyntaev epıdemıologııalyq jaǵdaıdy turaqtandyrý boıynsha qabyldanyp jatqan sharalar týraly aıtty.

Baqytjan Saǵyntaev qalada koronavırýs ınfeksııasynyń taralýyn boldyrmaý boıynsha barlyq baǵytta belsendi jumystar júrgizilip jatqanyn habarlady. Osylaısha, ambýlatorlyq deńgeıde «vırtýaldy ınfeksııalyq aýrýhana» ashyldy. Sonymen birge, COVID-19 juqtyrǵan muqtaj naýqastardy, baqylap, emin túzetý boıynsha, sonymen birge, táýlik boıǵy rejımde táýekel tobyndaǵy naýqastardyń asqynýlarynyń damýyn ambýlatorlyq deńgeıde baqylaý úshin Monıtorıng ortalyǵy jumysyn bastady. Atalǵan sharalar jaǵdaılary aýyr naýqastardy, ásirese qart adamdardy baqylaýda ustaýǵa múmkindik beredi.

– Epıdemııamen kúreste túbegeıli másele – barlyq aýyrǵan adamdardyń em alýy úshin qosymsha jatatyn oryn qoryn qurý, – dep qosty Baqytjan Saǵyntaev.

Búginde qalada koronavırýspen kúreske qýattylyǵy 4232 jatatyn orynǵa shaqtalǵan 19 stasıonar jumyldyrylǵan – ósim 9 ese kóbeıgen. Psıhıkalyq densaýlyq ortalyǵynyń negizinde qosymsha 150 oryn, Ýrologııa ǵylymı ortalyǵynyń negizinde 150 oryn ashyp, Halyk Arena bazasynyń negizinde 200 oryndy kezeńimen 1000-ǵa deıin ulǵaıtý kózdelip otyr. Osylaısha, osy aptanyń sońyna deıin qosymsha 500 oryn ázirlenedi. Sonymen birge, Halyk Arena bazasynyń negizinde jan saqtaý bólimi, tıisti quraldary bar tolyqqandy stasıonar ashylady, naýqastarǵa kıslorod oryndary qoljetimdi bolady.

Alǵashqy medısınalyq sanıtarlyq kómek nysandarynyń deńgeıinde mobıldi brıgadalar kúsheıtilýde, olardyń quramyna quramyna bólim meńgerýshileri, ınfeksıonıst dárigeler, epıdemıologtar, ýchaskelik dárigerler jáne meıirbıkeler engen. Qazirgi ýaqytta 72 brıgada mobılızasııalandy jáne AMSK 297 qyzmetkeri jumyldyryldy.

Búgingi tańda qalada 3000-103, 3000-505, 103 biryńǵaı call-ortalyǵy jumys isteıdi. Turǵyndardan shaǵymdar men ótinishter túsken kezde olar tirkelip, keri baılanys jasaý úshin emhana basshylyǵymen qaralady. Buǵan qosymsha, qalada qıyn jaǵdaıda qalǵan adamdarǵa kómektesý úshin Psıhıkalyq saýlyq pen psıhologııalyq kómek kórsetetin qoldaý ortalyǵy jumys istep jatyr.

Baqytjan Saǵyntaev dıagnostıkany der kezinde júrgizý úshin Almatyda qajetti quraldardyń jetkilikti ekenin atap ótti. Soǵan qaramastan, osyǵan baılanysty zerthanalardyń ótkizý múmkindigin ulǵaıtý boıynsha jumystar júrgizilýde. Koronavırýs ınfeksııasyn dıagnostıkalaý úshin qalada KT 28 apparaty jáne 70 sıfrly rentgen apparaty jumyldyrylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir