Ulybrıtanııa: Koronavırýs saıasatynda Qazaqstannan úlgi alaıyq

Ulybrıtanııalyq The Telegraph gazeti Qazaqstandy "álem boıynsha qaıta karantın jarııalaǵan birinshi el" dep atap, Birikken Koroldiktiń Qazaqstannan úlgi alyp, koronavırýs órship ketse, qaıta karantın jarııalaǵany durys ekenin jazdy. Bul týraly Qamshy tilshisi habarlaıdy. 

Ulybrıtanııada senbi kúni shekteý sharalary alynǵannan keıin, qalalarda adamdar áleýmettik qashyqtyqty saqtamaı, barlar men meıramhanalarǵa jınalyp, áleýmettik retsizdik paıda bolǵan soń, Ulybrıtanııa úkimeti alańdaýshylyǵyn bildirgen bolatyn. 

Soǵan baılanysty The Telegraph gazeti "koronavırýs tolqynynyń tótenshe jaǵdaıynda Qazaqstan álem boıynsha karantındi birinshi jarııalady" dep málimdep, Anglııada koronavırýs órship ketse, Qazaqstannyń istegenin qaıtalaýdy habarlady. 

"Qazaqstan búkilhalyqtyq oqshaýlaýdy qaıta engizgennen keıin, Borıs Djonsonǵa koronavırýstyń ekinshi tolqyny týraly jan-jaqty eskertý berildi" dep jazdy Londonda shyǵatyn gazet. 

"Mamyr aıynda koronavırýstyq shekteýlerdi azaıtqan soń, ınfeksııalardyń kóbeıýine baılanysty Ortalyq Azııadaǵy el álemde alǵashqylardyń biri bolyp lokdaýn sharalaryn resmı túrde engizdi. Elde 47171 vırýs juqtyrýshy bar, al sońǵy 24 saǵat ishinde 1000-nan astam jańa jaǵdaı tirkelgen... Tótenshe jaǵdaı Qazaqstanda resmı túrde 11 mamyrda aıaqtalǵan, ol kezde Kovıd-19 juqtyrǵandar sany 5 126, al, kóz jumǵandar 31 adam bolǵan" dep jazdy brıtanııalyq gazet. 

Basylym Ulybrıtanııada barlar men meıramhanalardyń senbi kúni ashylǵanyn, azamattardyń áleýmettik qashyqtyqty saqtamaı, toptasyp toılatyp júrgenin jazdy. Premer-mınıstr Borıs Djonsonnyń koronavırýs shekteýinen shyǵý strategııasynyń sońǵy kezeńin aıaqtaý jospary týraly da aıta ketken gazet "ınfeksııa kúsheıip ketse densaýlyq saqtaý qyzmetkerleri oqshaýlaý sharalaryn qaıta qoldanýy múmkin" dep eskertti.

Al, Anglııanyń bas dárigeri, professor Krıs Ýıttı kelesi qadamdar qaýipsiz emes ekenin eskertken. Ol taǵy "Bul jerde basty maqsat adamdardy biriktirý. Bul (sheketý sharalaryn alý) áleýmettik jaǵynan jasalǵan keremet nárse, biraq sonymen birge vırýs turǵysynan da keremet nárse... Sondyqtan biz barlarda kóńil kóterip jatqanda, áleýmettik qashyqtyqty saqtaý úshin naqty tártipke ıe bolýymyz kerek" degen.

Aıta keteıik, buǵan deıin Nıý-Iork Taıms statıstıkasy Qazaqstandy koronavırýstyń kóbeıýi boıynsha álemniń aldyna shyqqanyn jarııalaǵan. Kovıd-19 taralýy órship ketken soń Qazaqstanda 5 shildeden bastap karantın jarııalanǵan bolatyn.