Májilis depýtattary Elbasynyń tezirek saýyǵyp ketýin tiledi

Májilis depýtattary Qazaqstannyń Tuńǵysh Prezıdenti – Elbasy Nursultan Nazarbaevtyń tezirek saýyǵyp ketýin tiledi.

Depýtattar Elbasynyń sarqylmas kúsh-qýaty men erik-jigerlilik  qasıetteri oǵan koronavırýs indetin jeńýge múmkindik beretinine senim bildirdi.

Halyq qalaýlylarynyń pikirinshe, Tuńǵysh Prezıdenttiń kez-kelgen jaǵdaıdan jol tabatyn erekshe qabileti elimizdiń qıyn-qystaý ýaqyttarǵa tótep berip, bolashaqqa senimmen qaraýǵa múmkindik beredi.

Sondaı-aq, Májilis depýtattary osy kúni barlyq qazaqstandyqtardyń Elbasyna shynaıy janashyrlyq tanytýy, halyqtyq qoldaýyn aıǵaqtaıtynyn atap ótti.

«Biz Elbasymyz Nursultan Ábishuly Nazarbaevtyń tezirek saýyǵyn jáne uzaq ǵumyr tileımiz» dedi Májilis depýtattary.

Májilistiń baspasóz qyzmeti