• USD 412.55
  • EUR 465.73
  • RUB 5.79
  • CNY 58.91

16 Maýsym, 2020 Aımaqtar

Mańǵystaýlyq kásipkerlerge aldaǵy eki aıda 300 mln teńge qarajat berý josparlanyp otyr

qamshy.kz

Bul týraly qoǵamdyq kommýnıkasııalar ortalyǵynda ótken brıfıngte Mańǵystaý oblysy kásipkerler palatasynyń dırektory  Erbol Izbergenov málimdedi.

Elimizde jarııalanǵan tótenshe jaǵdaı kezinde Mańǵystaý oblysy kásipkerler palatasynyń tikeleı aralasýymenen birqatar sharalar júzege asty.

-О́ńirlik kásipkerler palatasy tarapynan júrgizilgen kelissózderdiń kómegimen 41 saýda nysany  6400-den astam kásipkerdi  tolyqtaı jalǵa berý tólemderinen bosatty, keıbiri tólemniń 50-80% mólsherinde jeńildikter jasady. Qarqyndy jumystar kommýnaldyq tólemderdi keıinge qaldyrý boıynsha da júrgizildi. «KJSA» kommýnaldyq mekemesi 18 bıznes nysanyna tólemdi keıinge qaldyrýǵa ruqsat berdi.

Búgingi tańda shaǵyn jáne orta bızneske jeńildetilgen nesıelerdi alý boıynsha memlekettik qoldaý qarastyrylǵan. «Qarapaıym zattar ekonomıkasy» baǵdarlamasy aıasynda 82,5 mlrd.teńgeni quraıtyn 92 joba qatysýda. Sonyń ishinde 64,5 mlrd.teńge kóleminde 80 joba maquldandy. «Qarapaıym zattar ekonomıkasy» Baǵdarlamasy aıasynda qaıta óńdeý ónerkásibindegi, aýyl sharýashylyq, qyzmet kórsetý salalaryndaǵy kásipkerler aınalym qarajatyn tolyqtyrýǵa jáne ınvestısııa tartýǵa ekinshi deńgeıli bankter arqyly 6%-ben jeńidetilgen nesıe alady,- dedi óńirlik kásipkerler palatasynyń dırektory.

Onyń málimdeýinshe, Mańǵystaý oblysy kásipkerler palatasynyń janynan qurylǵan «Atameken» Mıkroqarjylyq uıymymen memlekettik qordan qarajat tartý arqyly 2016-2020j.j. aralyǵynda jalpy somasy 2,2 mlrd.teńgeni quraıtyn 413 shaǵyn nesıe berilip, 727 jańa jumys oryndary ashyldy. Karantın kezinde 65 kásipkerdiń nesıesi shegerilip, iskerlerge 70 mln tg nesıe berildi. Aldaǵy eki aıda 300 mln tg qarajat berý josparlanyp otyr.

-Bıylǵy jyldyń qańtar aıynan búginge deıin Mańǵystaý oblysynyń kásipkerler palatasyna bıznes sýbektilerden 127 ótinish kelip tústi. Onyń basym kópshiligi kásipkerlerdiń quqyqtary men zańdy múddelerin qorǵaý,  jer máseleleri, ákimshilik kedergiler jáne qoǵamdyq monıtorıng týraly bolyp keledi.

Al, elimizge engizilgen tótenshe jaǵdaı kezinde kásipkerler palatasynyń jedel shtabyna 463 ótinish qabyldandy. Negizinen ǵımarattardy  jaldaý aqysyn tómendetý, nesıe tóleýdi keıinge qaldyrý, áleýmettik kómek alý, karantın kezindegi qyzmet túrine ruqsat suraý t.b.,- deıdi Erbol Izbergenov.

Aımaqtyq kásipkerler palatasy dırektorynyń aıtýynsha,  «Halyqqa qajetti qorǵanys quraldarynyń biri retinde betperde tigý máselesi týyndaǵan bolatyn. Kásipkerlerdiń betperde tigý óndirisine qajetti qujattary bolmaǵandyqtan, mekemelerden tapsyrys alý qıynǵa soqty.

Kásipkerler palatasy betperdelerdi tigý óndirisin qalyptastyrýǵa eleýli úles qosty. «Janarys», «Jamal-aı» tigin fabrıkalary «ST-KZ» sertıfıkattarymen buryn-sońdy bolmaǵan betperde óndirýdi qolǵa aldy. Bul sertıfıkat mekemelerdiń satyp alýlaryna qatysýǵa jáne tapsyrys alýǵa, jergilikti dárihanalarǵa ótkizýge múmkindik berdi. Aqtaý qalasy men Munaıly aýdanynda antıseptık óndirisin ashý boıynsha arnaıy sertıfıkat alýǵa qoldaý kórsetti».

Elimizdegi iskerlik belsendilikti qalpyna keltirý úshin qajetti jaǵdaılar jasaý maqsatynda aǵymdaǵy jyldyń 11 maýsymynda QR Premer-Mınıstri A. Mamınniń qatysýymen Qazaqstannyń barlyq aımaqtarynyń bıznes ókilderimen selektorlyq keńes ótti. Kásipkerler óńdeý, tamaq ónerkásibi, týrızm, qoǵamdyq tamaqtaný, saýda jáne t. b. salalardaǵy bıznestiń ózekti máselelerin kóterdi.

Bıznestiń sýbsıdııa alý, jeńildetilgen kredıt berý jáne aǵymdaǵy qaryzdardy qaıta qurylymdaý, nesıeler men salyqtar boıynsha tólemderdi keıinge qaldyrý máseleleri boıynsha usynystar qaraldy.

Mańǵystaý oblysynan mynadaı usynystar aıtyldy:

- Eńbekaqy tóleý qory boıynsha Úkimettiń 2020 jylǵy 20 sáýirdegi qaýlysyna sáıkes oıyn-saýyq ortalyqtaryna jáne balalarǵa arnalǵan qosymsha úıirmelerge salyq jeńildikterin alý.

- Memleket esebinen 42500 teńge járdemaqy tóleý máselesin, sondaı-aq jumys oryndaryn saqtaý úshin jalaqyny sýbsıdııalaý múmkindigin qarastyrý;

- Qoldanystaǵy nesıeler boıynsha tólemderdi keıinge qaldyrýdy taǵy bir toqsanǵa uzartý máselesin qarastyrý máseleleri usynyldy.

О́tkizilgen keńestiń qorytyndysy boıynsha QR Premer-Mınıstri tıisti Mınıstrlikter men oblys ákimdikterine bıznestiń ózekti máselelerin qaraý jáne olardy sheshý boıynsha sharalar qabyldaý, sondaı-aq kásipkerlikti damytýdyń júıeli máselelerin Memlekettik komıssııanyń qaraýyna shyǵarý jóninde tapsyrmalar berdi.

-Mańǵystaý oblysynyń bas memlekettik sanıtar dárigeriniń qaýlysymen óńirde karantın sharalary saqtalýda.   Koronavırýs ınfeksııasynyń taralý jaǵdaıyna baılanysty barlyq saýda oryndarynda, kásipkerlik nysandary men qoǵamdyq oryndarda saqtyq sharalaryn, sanıtarlyq talaptardy qatań saqtaýǵa shaqyramyn,-  dep sózin qorytty óńirlik kásipkerler palatasynyń dırektory E.Izbergenov.

Ilmek sózder: Mańǵystaý oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir