14 Maýsym, 2020 NEWS
Ashyq derekkóz
QR Bilim jáne ǵylym mınıstri Ashat Aımaǵambetov koronavırýsqa test tapsyrdy, dep habarlady vedomstvonyń baspasóz qyzmeti.
"Bilim jáne ǵylym mınıstri COVID-19 test tapsyryp, nátıjesi teris shyqty. Ashat Qanatuly bekitilgen erejelerge sáıkes, oqshaýlanyp, beınekonferensııa arqyly qashyqtan jumys isteıtin bolady" delingen mınıstrlik taratqan habarlamada.
Sondaı-aq Jambyl oblysynyń ákimi Berdibek Saparbaevta koronavırýsqa test tapsyryp, nátıjesi teris shyqty. Ákim qazirgi ýaqytta oqshaýlanyp, beınekonferensııa rejıminde jumysyn jalǵastyrady.
12 maýsymda premer-mınıstr Asqar Mamın Jambyl oblysyna jumys saparymen barǵan. Onyń qasynda densaýlyq saqtaý mınıstri Eljan Birtanov, Aımaǵambetov jáne Saparbaev bolǵan. Al 14 maýsymda E. Birtanov koronavırýs juqtyrǵanyn habarlaǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir