Almatyda koronavırýs pandemııasy jaǵdaıyndaǵy JOO-nyń jumys formaty talqylandy

Almaty qalasynyń Bas memlekettik sanıtarlyq dárigeri Jandarbek Bekshın jáne qalalyq Qoǵamdyq damý basqarmasynyń basshysy Dıas Esdáýletov vıdeokonferensbaılanys rejıminde megapolıs aýmaǵynda ornalasqan joǵary oqý oryndarynyń rektorlarymen kezdesý ótkizdi.

Kezdesý Almaty óńiri rektorlary keńesiniń bastamasy boıynsha ótti. Onlaın-kezdesýdiń jumysyn Almaty óńiri rektorlar keńesiniń tóraǵasy, Abaı atyndaǵy QazUPÝ rektory Tákir Balyqbaev ashty. Ol epıdemıologııalyq jaǵdaı jaǵdaıynda JOO qyzmetin uıymdastyrýǵa qatysty birqatar ózekti máselelerdi atap ótti.

Kún tártibinde epıdemıologııalyq jaǵdaı kezindegi Almaty qalasynyń JOO qyzmetin uıymdastyrý máselesi boldy. Bolashaq stýdentterdiń qujattaryn qabyldaý, túsý emtıhandaryn ótkizý jáne túlekterge dıplom tapsyrý sııaqty aspektilerdi qosa alǵanda, jumys formaty talqylandy.

Almaty qalasynyń Bas memlekettik sanıtarlyq dárigeri Jandarbek Bekshın Almaty qalasy boıynsha epıdemıologııalyq jaǵdaıdy tolyq túsindirdi. Almaty aýrýshańdyqtyń ortasha kórsetkishi jáne sońǵy aptada 2%-dan aspaıtyn kún saıynǵy ósimi bar óńirler sanatyna kiredi.

Osyǵan baılanysty, joǵary oqý oryndarynyń basshylyǵy sanıtarlyq-epıdemıologııalyq talaptardy, maskalyq rejımdi jáne áleýmettik qashyqtyqty qatań saqtaýy qajet. Kópshilik jınalatyn oryndarǵa barýdan jáne mádenı-buqaralyq is-sharalardy uıymdastyrýdan bas tartý jóninde usynystar berildi. Joǵary oqý oryndarynyń qyzmetin uıymdastyrý kezinde oqý korpýstaryn jeldetý jáne aýa baptaý júıesimen turaqty qamtamasyz etý qajet.

Kezdesýge qatysýshylar oqýshylardyń jazǵy demalysyn uıymdastyrý, qabyldaý komıssııasynyń jumysy jáne dıplom tapsyrý rásimin ótkizý máselelerin kóterdi. О́z usynystarymen QazUPÝ rektory Tákir Balyqbaev, «Turan» ýnıversıtetiniń rektory Rahman Alshanov, «NARHOZ» ýnıversıtetiniń ákimshilik máseleler jónindegi prorektory Kamılıa Amenova, Almaty menedjment ýnıversıtetiniń rektory Erbol Súleımenov, Halyqaralyq bilim berý korporasııasynyń rektory Erik Besimbaev, Halyqaralyq bıznes ýnıversıtetiniń prezıdenti Darhan Ahmed-Zakı sóz sóıledi. Onlaın-kezdesý jumysyna barlyǵy 39 JOO ókilderi qatysty.

Almatynyń bas sanıtarlyq dárigeri joǵary oqý oryndarynyń rektorlarymen birlese otyryp, epıdemıologııalyq jaǵdaıdyń qıyn jaǵdaılarynda joǵary oqý oryndarynyń odan ári jumys isteý algorıtmi men nusqaýlyqtaryn ázirleý boıynsha jumys tobyn qurýdy sheshti.