BBC
Sheteldik zertteýshiler Ýhan aýrýhanalarynda 2019 jyldyń tamyzynan bastap koronavırýs paıda bolǵan bolýy múmkin ekenin málimdedi. Bul týraly Qamshy tilshisi BBC-ge silteme jasap habarlaıdy.
Garvard ýnıversıteti zertteýshileriniń aıtýynsha, jerserikten túsirilgen sýretter kórsetkendeı, Ýhandaǵy bes aýrýhananyń syrtynda kólikterdiń kóbeıýi tamyzdyń aıaǵynan jeltoqsan aıyna deıin baıqalǵan.
Osyǵan deıin "vırýs Qytaıda alǵash ret qarasha aıynda paıda boldy" delinip keldi. Beıjiń Dúnıejúzilik densaýlyq saqtaý uıymyna (DDSU) 2019 jyldyń 31 jeltoqsanynda belgisiz sebeppen pnevmonııa jaǵdaılarynyń klasteri týraly habarlaǵan.
– "Koronavırýs pandemııasy bastaldy" dep jarııalanýdan buryn áleýmettik retsizdikterdiń belgili bir deńgeıi bolǵan, – dedi zertteýdi basqarǵan doktor Djon Braýnsteın ABC jańalyqtaryna.
Garvard ǵalymdary Ýhandaǵy bes aýrýhananyń syrtyndaǵy jaǵdaılar kórsetilgen jerseriktik derekterdi zerttep, 2018 jyldyń jazy men kúziniń derekterin 2019 jyldyń dál osy kezeńimen salystyrǵan.
Zertteýshiler Ýhandaǵy eń iri aýrýhanalardyń biri Tıanıý aýrýhanasynda 2018 jyldyń qazan aıynda 171 kóliktiń turǵanyn málimdedi. Jerserikten túsken derekter boıynsha, 2019 jylǵy qazanda 285 kólik turǵan. Bul kólik sanynyń 67% -ǵa artqanyn bildiredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir