Belgili qytaıtanýshy-ǵalym, fılologııa ǵylymdarynyń doktory Dúken Másimhanuly R.B.Súleımenov atyndaǵy Shyǵystaný ınstıtýtyna dırektor bolyp taǵaıyndaldy.
Instıtýttyń burynǵy dırektory Ábsattar Derbisáli dırektordyń keńesshiligine aýysty.
Dúken Másimhanuly 1963 jyly Qytaı Halyq Respýblıkasynyń Shyńjań ólkesine qarasty Tekes aýdanynyń Shılózek aýlynda týǵan.
1987 jyly Beıjińdegi Ortalyq ulttar ýnıversıtetin aýdarmashy-fılolog mamandyǵy boıynsha támámdaǵan.
1987-1993 jyldary Úrimshi qalasyndaǵy SÝAR gýmanıtarlyq ǵylymdar akademııasynyń ádebıet ınstıtýtynda ǵylymı qyzmetker bolyp istedi. 1993 jyly ál-Farabı atyndaǵy Qazaq ulttyq ýnıversıtetiniń arnaıy shaqyrýymen atamekenge kelgen. Qytaıtanýshy ǵalym ál-Farabı atyndaǵy QazUÝ-dyń Shyǵystaný fakýltetinde Qıyr shyǵys elderi kafedrasynyń meńgerýshisi bolyp qyzmet atqarǵan.
2002-2009 jyldary elordadaǵy L.N.Gýmılev atyndaǵy Eýrazııa ulttyq ýnıversıteti Shyǵystaný kafedrasynyń meńgerýshisi, 2010 jyldan atalǵan oqý ornyndaǵy qytaı tili kafedrasynyń meńgerýshisi bolǵan.
Fılologııa ǵylymdarynyń doktory, professor. Qazaqstannyń eńbek sińirgen qaıratkeri (2013j.).
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir