Bolat Baqaýov 3,5 jylǵa bas bostandyǵynan aıyryldy

Pavlodar oblysynyń eks-ákimi Bolat Baqaýov 3,5 jylǵa bas bostandyǵynan shekteldi, - dep habarlaıdy Qamshy.kz aqparat agenttigi Tengrinews.kz saıtynyń deregin negizge alyp. 

"Sottalýshy QR Qylmystyq kodeksiniń 361-babynyń 4-bóligi 3-tarmaǵy ("Laýazymdyq ókilettikterdi teris paıdalaný") boıynsha aıypty dep tanyldy. Sottyń úkimimen ol 3,5 jylǵa bas bostandyǵynan shekteldi, sondaı-aq, ol ómir boıyna memlekettik qyzmette jumys isteý quqyǵynan aıyryldy", - dedi №2 sottyń sýdıasy Nurlan Qaıyrbekov. 

Condaı-aq, sot úkimimen eks-ákimge kóńil kóterý oryndaryna barýǵa tyıym salyndy. Budan bólek ol 100 saǵat ýaqyt qoǵamdyq eńbekke jumylýǵa mindetteldi.

Oǵan qosa Baqaýov 10 myń dollardy qaıtarýǵa mindetteldi.

Eske salaıyq, bıyl qańtarda Pavlodar oblysynyń burynǵy ákimi Bolat Baqaýovtyń ustalyp, úı qamaýyna alynǵany habarlanǵan edi. UQK 15 qańtarda qylmystyq is boıynsha jedel tergeý is-sharalaryn ótkizgen bolatyn. Oǵan qyzmettik ókilettigin asyra paıdalandy jáne onyń saldary aýyr boldy degen aıyp taǵylǵan.