20 Mamyr, 2020 NEWS

Almatyda ákimdikterdiń Open Space aıasynda transformasııasy jalǵasýda

almaty.gov.kz

Almaty qalasy ákiminiń tapsyrmasyna boıynsha Ashyq ákimdiktiń jańa keńsesi jáne Adaldyq alańy ashyldy. Ákimdik jańa formatta qyzmet kórsetetin servıstik ákimdiktiń jobasyn Almaty qalasy sybaılas jemqorlyqqa qarsy is-qımyl departamentimen birlese otyryp, iske qosty.

Bastamashylar qala turǵyndary "bir tereze" qaǵıdaty boıynsha túrli qyzmet salalarynda, túrli ınstansııalarda birneshe máseleni sheshýge múmkindik alǵanyn túsindirdi.

– Bul jobanyń basty maqsaty – memlekettik organdardyń azamattarǵa qoljetimdiligin arttyrý, kedergisiz ortany qalyptastyrý. Memlekettik qyzmetterdi alý jedel, barynsha jeńildetiledi jáne turǵyndar úshin yńǵaıly bolady. Bizdiń turǵyndar Servıstik ákimdikten bilikti keńes ala alady, – dep naqtylady ashylý saltanatynda Jetisý aýdanynyń ákimi Maqsat Kıkımov.

Sondaı-aq, vedomstvo baspasóz qyzmetiniń habarlaýynsha, mundaı format memlekettik qyzmetkerler men qyzmet alýshylar arasyndaǵy qashyqtyqty qysqartady, memlekettik qyzmetshilerge tıimdi sheshim qabyldaı otyryp, ózin komanda retinde sezinýge múmkindik beredi, qyzmetterdi alýdyń jedeldigi men yńǵaılylyǵyn arttyrýǵa múmkindik paıda bolady.

Mamandardyń pikirinshe, keńseniń ashylýy memlekettik apparatty transformasııalaýdaǵy, sondaı-aq jańa formasııadaǵy memlekettik qyzmetshilerdi qalyptastyrýdaǵy jáne halyqqa qyzmet kórsetýde jaılylyqty arttyrýdaǵy mańyzdy qadam bolyp tabylady.

– Servıstik ákimdikte kórsetiletin qyzmetti alýshymen dıalog barynsha ashyq túrde qurylady. Mundaı tehnologııany qoldaný qazirgi zamanǵy sybaılas jemqorlyqqa qarsy saıasattyń barlyq talaptaryna jaýap beredi. Aýdan turǵyndaryna bólimdermen elektrondyq túrde kórsetiletin memlekettik qyzmetterdi alýǵa, elektrondyq úkimet portalyn paıdalanýǵa múmkindik berildi. Osyndaı keńseler qalanyń basqa da memlekettik organdarynyń bazasynda ashylady, – dep atap ótti ashylý barysynda Almaty qalasy jemqorlyqqa qarsy qyzmetiniń basshysy Nyǵmedjan Saparov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir