16 Mamyr, 2020 Barlyq aımaqtar

Erjan Babaqumarov tehnıkalyq jáne kásiptik bilimi bar mamandardy daıarlaý boıynsha komıssııa otyrysyn ótkizdi

qamshy.kz

Almaty qalasy ákiminiń orynbasary Erjan Babaqumarovtyń tóraǵalyǵymen beınekonferens-baılanys rejıminde 2020-2021 oqý jylyna tehnıkalyq jáne kásiptik bilimi bar mamandardy daıarlaýǵa arnalǵan memlekettik bilim berý tapsyrysyn ornalastyrý jónindegi komıssııanyń otyrysy ótti. Otyrysqa Almaty qalasy bilim basqarmasynyń basshysy Lázzat Jylqybaeva, Áleýmettik ál-aýqat, Strategııa men bıýdjet basqarmalarynyń, О́ńirlik kásipkerler palatasynyń basshylary, sondaı-aq qoǵam men ÚEU ókilderi qatysty. 1

Otyrystyń basty maqsaty – qala kolledjderinde jumysshy mamandyqtar kadrlaryn daıarlaý úshin memlekettik bilim berý tapsyrysyna engen mamandyqtar tizimin anyqtaý. Ol úshin qalalyq eńbek naryǵynyń qajettiligi jáne olardy Almaty ákimi Baqytjan Saǵyntaevtyń megapolıs ekonomıkasynyń ósýiniń jańa modelin qurý boıynsha qoıǵan mindetteri arqyly kadrlar daıarlaý júıesimen úndestirý qarastyrylǵan. Qalalyq jumyspen qamtý ortalyǵynyń dırektory Dılıara Imanqulovanyń, Bilim basqarmasynyń TjKB bóliminiń basshysy Áset Muhanbetovtyń aqparaty tyńdaldy.

Erjan Babaqumarov memlekettik bilim berý tapsyrysynyń tizimine jaqyn bolashaqta ózekti bolmaıtyn mamandyqtardy engizýdi synǵa aldy, qurylymdyq qaıta qurýdy jáne qala ekonomıkasyn ártaraptandyrýdyń basym baǵyttaryn eskere otyryp, eńbek naryǵynyń qajettiligine muqııat taldaý júrgizýdi tapsyrdy. Eń aldymen, qala ekonomıkasynyń qajettiligi úshin jańa suranysqa ıe mamandyqtar boıynsha bilikti kadrlardy daıarlaý qajettiligine, onyń ishinde sıfrlyq ekonomıka, ınnovasııalar, kreatıvti ındýstrııalar, servıstik ekonomıka, "qarapaıym zattar" ekonomıkasy, týrıstik sala jáne basqalarǵa nazar aýdaryldy. Sondaı-aq karantın kezeńinde paıda bolǵan qajettilikterdi eskere otyryp, medısına qyzmetkerlerin daıyndaýǵa erekshe kóńil bólindi.

"Almaty qalasynyń ákimi Baqytjan Saǵyntaev atap ótkendeı, qalanyń muqtajdyqtary úshin bilikti kadrlar daıarlaý jáne bıýdjet qarajatyn bólý ekonomıka salalaryndaǵy qajettilikterdiń sapaly boljamyna súıenýi tıis. Qalanyń bilim berý júıesi naqty ekonomıkany eńbek kadrlarmen qamtamasyz etý mindetterin sheshýi tıis", - dep atap ótti Erjan Babaqumarov. Tıisti basqarmalarǵa jumys berýshilermen jáne bilim berý qurylymdarymen birlesip qajetti qujattardy pysyqtaý tapsyryldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir