Memleket basshysy Qasym-Jomart Toqaev karantın shekteýlerine qatysty jasaǵan málimdemesinde «Jumyspen qamtý jol kartasy» baǵdarlamasyn júzege asyrýǵa 1 trıllıon teńgege jýyq qarjy bólingenin atap ótti.

– Bul – qomaqty qarajat. Ony shaǵyn bıznesti nesıeleýge de paıdalanýǵa bolady. Sonyń bári quzyrly oryndardyń baqylaýynda bolyp, tolyǵymen maqsatqa saı jumsalýǵa tıis. Osy kúrdeli kezeńde qarjylandyrylyp jatqan jobalar arqyly eń aldymen jańa jumys oryndaryn ashý qajet. Buǵan jumysshylardy barynsha kóptep tartý kerek. Únemi ekonomıkalyq tabys ákeletin nemese adamı kapıtaldy damytatyn bastamalar qolǵa alynýy qajet, – dedi Toqaev.

Sonymen qatar Memleket basshysy mektep, aýrýhana jáne basqa da nysandar salynyp, jańǵyrtý jumystary júrgizilýge tıis ekendigin atap ótti.  

– Birkelki nysandardyń ár aımaqtaǵy quny óte alshaq bolýyna jol bermeý asa mańyzdy. О́kinishke qaraı, mundaı jaǵdaı bizde kóp kezdesedi. Júzege asqan jobalardyń áleýmettik-ekonomıkalyq tıimdiligine taldaý jasalady, – dedi Qasym-Jomart Toqaev. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir