Almaty qalasy ákimi Baqytjan Saǵyntaevtyń tapsyrmasymen onyń orynbasary Erjan Babaqumarov vıdeo-konferensııa-baılanys rejıminde Ortalyq qalalyq klınıkalyq aýrýhananyń ákimshiligi jáne qyzmetkerlerimen kezdesý ótkizdi. Kezdesýge Qoǵamdyq densaýlyq basqarmasynyń basshysy Tileýhan Ábildaev, Ortalyq qalalyq klınıkalyq aýrýhananyń ýaqytsha bas dárigeri mindetin atqarýshy Gúlnar Qulqaeva, Qoǵamdyq medısınalyq keńestiń múshesi, azamattyq belsendi Aıda Áljanova, sonymen birge OQKA-nyń dárigerleri men medısına qyzmetkerleri qatysty.

Jıyn kezinde koronavırýs ınfeksııasymen kúreske jumyldyrylǵan aýrýhananyń dárigerleri men medısına qyzmetkerlerine ústemaqy tóleýdi júzege asyrý boıynsha QR Prezıdenti tapsyrmasynyń oryndalý barysy pysyqtaldy.

Sonymen birge, densaýlyq saqtaý uıymdarynyń qyzmetkerleri koronavırýs ınfeksııasyn juqtyrǵan jaǵdaıda olarǵa 2 mıllıon teńge kóleminde bir jolǵy áleýmettik tólemaqy taǵaıyndaý máseleleri de talqylandy. Atap ótetin jaıt, járdemaqy tóleý máselesi tek Ortalyq qalalyq klınıkalyq aýrýhana qyzmetkerlerine ǵana qatysty emes, sondaı-aq, koronavırýs ınfeksııasyn juqtyrǵan qaladaǵy basqa da medısınalyq uıymdardyń qyzmetkerlerine járdemaqy tóleý máselesi de qaralatyn bolady.

Almatyda koronavırýspen kúreste epıdemııaǵa qarsy sharalarǵa 19 densaýlyq saqtaý uıymy jumyldyrylǵan. Búgingi tańda 16 uıymnyń 3 418 qyzmetkerine jalpy somasy 1,1 mlrd. teńge bolatyn ústemaqy tólemderi tólengen. Sonyń ishinde, birinshi qaýipti toptaǵy (óte qaýipti) 375 qyzmetkerge, ekinshi toptaǵy (joǵary) – 1943 qyzmetkerge, qaýiptiliktiń úshinshi tobyndaǵy 1100 qyzmetkerge tólengen.

Komıssııa jumysy jalǵasýda, medısınalyq uıymdar qajetti qujattardy tapsyrýdy aıaqtap qaldy.

Almaty qalasy ákiminiń orynbasary Erjan Babaqumarov barlyq tıisti tólemderdi jedel túrde júzege asyrýdyń mańyzdylyǵyn atap ótti. Ol úshin Ortalyq qalalyq klınıkalyq aýrýhana basshylyǵyna, sonymen birge, qalalyq Balalar klınıkalyq ınfeksııalyq aýrýhanasyna osy iske jumyldyrylǵan medısına qyzmetkerleriniń tizimin berý boıynsha uıymdastyrý jumystaryn jedel túrde aıaqtaý tapsyryldy.

«Qarjy qarajaty keıinge saqtaldy (zarezervırovan). Prezıdenttiń tapsyrmasy oryndalady – osy iske jumyldyrylǵan barlyq medısına qyzmetkerleri tıisti járdemaqylaryn alady. Epıdemııaǵa qarsy sharalarǵa jumyldyrylǵan medısına qyzmetkerlerine aı saıynǵy jalaqyǵa ústeme aqy tóleýdi iske asyrý boıynsha jaqyn arada málimetter tapsyrýdy aıaqtaýlaryńyzdy suraımyn.

Koronavırýs ınfeksııasyn juqtyrǵan medısına qyzmetkerleriniń tizimin jasap, olarǵa memlekettik áleýmettik saqtandyrý qorynan bir jolǵy áleýmettik tólemdi qamtamasyz etý boıynsha jeke komıssııa qurylǵan. Onyń quramyna Densaýlyq saqtaý mınıstriliginiń usynysmen qoǵam ókilderi men sarapshylar enedi», – dep atap ótti E. Babaqumarov.

Ilmek sózder: ústemeaqy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir