"Sársenbi kúni Qazaqstan koronavırýstyń taralýy baıaýlaǵanyn málimdedi" dep jazdy kanadalyq Reuters aqparat agenttigi. Bul týraly Qamshy tilshisi Reuters-ke silteme jasap habarlaıdy.

–Densaýlyq saqtaý mınıstrliginiń málimetinshe, sońǵy eki apta ishinde rastalǵan jańa jaǵdaılardyń kúndelikti ósýi shamamen 7% deńgeıinde boldy. Alaıda, sońǵy úsh kúnde ol 4% -dan tómen bolǵan,–dep jazdy Reuters. 

Kanadalyq aqparat agenttigi "Qazaqstan naýryz aıynyń ortasynda tótenshe jaǵdaı jarııalap, koronavırýstyń taralýyn toqtatý úshin shekteý sharalaryn bastaǵan. Nátıjesinde búginge deıin 4298 adam koronavırýs juqtyrǵany belgili, olardyń 29-y kóz jumdy" dep málimdedi.

–Prezıdent Qasym-Jomart Toqaev ótken aıda koronavırýstyń jańa jaǵdaılary baıqalmasa, tótenshe jaǵdaıdy 11 mamyrǵa deıin bolatynyn jarııalaǵan. Pandemııa Qazaqstandaǵy Teńiz ken ornyn keńeıtý sııaqty keıbir iri jobalardy baıaýlatýmen birge, munaı baǵasyn tómendetti. Onyń saldary Qazaqstan bıligin 14 mıllıard dollarlyq yntalandyrý paketin engizýge ıtermeledi" dep jazdy kanadalyq aqparat agenttigi.

Ilmek sózder: Kanada Qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir