Germanııa koronavırýs vaksınasyn synaýdy bastady

Kovıd-19 vaksınasynyń klınıkalyq synaǵy maquldandy, dep habarlady Germanııanyń vaksınalar federaldy ınstıtýty.

Koronavırýs testine 18 ben 55 jas aralyǵyndaǵy 200 adam qatyspaq. BioNTech nemis bıotehnologııalyq kompanııasy jasaǵan vaksınanyń birneshe nusqalary synalady.

Djons Hopkıns ýnıversıtetiniń málimetteri boıynsha, vaksınalar osy ýaqytqa deıin 177 000-nan astam adamnyń ómirin qıǵan jáne 2,5 mıllıon adam juqtyrǵan koronavırýstyń taralýyn toqtatýǵa múmkindik beredi.

Qazirgi ýaqytta búkil álemde Kovıd-19 vaksınasyn jasaý úshin 86 komanda jumys isteýde.

Ulybrıtanııa densaýlyq saqtaý hatshysy Mett Henkok Oksford ýnıversıtetiniń ǵalymdary osy beısenbide adamdarǵa vaksınany synaqtan ótkize bastaıtynyn jarııalaǵannan keıin Germanııa da kóp ótpeı osyndaı sheshim qabyldaǵan.