Koronavırýstan qaıtys bolǵan adam Almatydan kelgenin jasyrǵan

Túrkistan oblysynyń Qoǵamdyq densaýlyq basqarmasy aımaqtaǵy koronavırýs juqtyrǵan naýqastar men qaıtys bolǵan adam týraly aıtty. 

"О́kinishke qaraı, búgin tańerteń Túrkistan oblysynda koronavırýs indetinen Jetisaı aýdanynyń 1956 jylǵy turǵyny qaıtys boldy. Naýqas 29 naýryzda aýrýhanaǵa jatqyzylǵan. Pnevmonııa anyqtalyp, tynys alýy qıyndaǵan. Naýqas qant dıabetimen, gıpertonııamen aýyrǵan. Barlyq synama alynyp, emdik sharalar júrgizildi. Naýqastyń jaǵdaıy nasharlap, búgin tańerteń kóz jumdy", - dedi basqarma mamandary.

Naýqas bir aı boıy Almaty oblysynyń Qarasaı aýdanynda qonaqta bolǵan.

"15 naýryzda Almatydan avtobýspen úıine kelgen. Almaty qalasynan kelgenin jasyrǵan. Jaqyn qarym-qatynasta bolǵan 25 adam, yqtımaldy baılanysta bolǵan 40 adamdar teksirildi. Jaǵdaı baqylaýda", - dedi Túrkistan oblysynyń Qoǵamdyq densaýlyq basqarmasy ókili.