kapital.kz
ShQO ákimi Danıal Ahmetov memlekettik koronavırýsqa qarsy qaýipsizdik sharalaryn kúsheıtý maqsatynda Semeı jáne О́skemen qalasyna birneshe shekteýler engizedi. Bul týraly oblys ákiminiń orynbasary onlaın-brıfıng kezinde Álisher Marhabat habarlady.
2 sáýirden keıin Semeı jáne О́skemen qalalaryna kirip-shyǵý qatań baqylaýǵa alynady. Oblys ortalyǵy men Semeı qalasynda 15 ótkizý pýnkti qoıylady. Blok posttaǵy polısııa qyzmetkerleri turǵyndardy tirkeý qujatyn teksergennen soń kirgizedi.
Al 6 sáýirden bastap Semeı jáne О́skemen turǵyndary jasyl jáne aq tústi eki túrli ruqsat qaǵazben júrip-turady. Birinshi túri – qalalardyń tynys-tirshiligin qamtamasyz etetin uıym qyzmetkerleri, jumys isteıtin azamattarǵa arnalǵan. Ekinshi túri – árbir otbasyna beriledi. Tirkeý nómiri taq sanmen aıaqtalatyn turǵyndar kúntizbeniń taq kúni, juppen jáne 0 men aıaqtalatyndar tek jup kúnderi qalada júretin bolady. Biraq túnde qaladaǵy qozǵalys toqtaıdy.
Oblys ákiminiń orynbasary Álisher Marhabat, árbir qala turǵynynda aıyna 15 ret qalada júrip-turýyna múmkindik baryn aıtty. Ruqsat qaǵazy ár páterge bireýden beriledi.
"Ár páter turǵyny aptasyna 3 ret qana qalada júre alady. Ne kúntúzbeniń taq kúnderi nemese jup kúnderi. Syrtqa shyqqan qala turǵynynyń ruqsat qaǵazyn polısııa qyzmetkerleri tekseredi", - dedi Álisher Marhabat.
"Ár adam mindetti túrde ózimen birge jeke kýáligin de alyp júrýi kerek. Ruqsat qaǵazynyń jaramdylyq merzimi – 1 aı. Kópqabatty úıde turatyndar atalmysh qaǵazdy alý úshin 1 sáýirden bastap PIK-ke jáne kondomınıýmǵa júginýleri kerek. Al jer úı turǵyndary jergilikti basqarý komıtetterine barýy qajet", - dedi О́skemen qalasynyń ákimi Jaqsylyq Omar.
Sondaı-aq azyq-túlik dúkenderinen bólek iri saýda oryndarynyń qyzmeti toqtatylady. 70 jastan asqan qarııalar men birinshi jáne ekinshi toptaǵy múgedekterge azyq-túlik pen dári-dármek úılerine jetkiziledi.
Oblys ákiminiń orynbasary Shákárim Buqtuǵutovtyń aıtýynsha, ShQO-da áleýmettik mańyzy bar azyq-túlik ónimderiniń 19 túri, gıgıena zattarynyń 10 túri kiretin 4 toptama jasalǵan. Bul paketter 70 jastan asqan zeınetkerler men birinshi jáne ekinshi toptaǵy múgedekterge aptasyna bir ret tegin jetkiziletin bolady.
Oblystyń densaýlyq saqtaý basqarmasynyń basshysy Ilııas Muhamedjannyń aıtýynsha, karantındik stasıonarda 61 adam jatyr.
"Olardyń densaýlyqtary birqalypty. Sondaı-aq úı karantıninde 662 jatyr. Olar oqshaýlanǵan jáne dárigerlerdiń baqylaýynda. Aýrýhanalar qajetti jabdyqtarmen qamtylǵan. Infeksııalyq tósektiń sany - 500, provızorlyq tósektiń sany - 600, al karantındik tósektiń sany - 2505. Qajetti jaǵdaıda ınfeksııalyq tósektiń sany - 913-ke deıin, provızorlyq tósektiń sany - 1000-ǵa deıin, al karantındik tósektiń sany 4500-ge deıin jetedi. Koronavırýs testiniń naqtylyǵy joǵary deńgeıde. Barlyq koronavırýs testi KHR, AQSh, Germanııa elden ákelindi jáne arnaıy sertıfıkasııalaýdan ótken", - deıdi oblystyq densaýlyq saqtaý basqarmasynyń basshysy.
ShQO Bilim basqarmasynyń basshysy Saırangúl Jumadılova brıfıng barysynda 2 sáýir kúni onlaın formatta ata-analar jınalysy ótetinin aıtty. Onlaın jınalys kezinde synyp jetekshiler ata-analarǵa qashyqtyqtan oqytý prosessiniń qalaı uıymdastyrylatynyn, jáne ata-analar tarapynan qandaı kómek qajet bolatynyn túsindiredi.
Onlaın-brıfıng kezinde ShQO ákiminiń orynbasary Álisher Marhabat turǵyndardy alańdamaýǵa shaqyryp, suraqtarǵa jaýap berdi.
"Kompıýteri joq oqýshylar mekteptiń qarjysy arqyly kerek jabdyqtarmen qamtamasyz etiletin bolady. Alys aýyl-aımaqtarda ınternet jelisine qocyla almaǵan oqýshylarǵa da kerekti jaǵdaı jasalatyn bolady. Sonymen qatar, balalar telearna arqyly da onlaın turde bilim alýdy jalǵastyrýǵa múmkindik bar. Orys tildi mektepte oqıtyndar úshin "El arna" telearnasy, qazaq tildi mektep oqýshylary úshin "Balapan" telearnasy jumys isteıdi. Sondyqtan qashyqtyqtan bilim alý kezinde alańdaýǵa negiz joq", - deıdi Álisher Marhabat.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir