Búgin, 15 naýryzda Qazaqstan prezıdenti Qasym-Jomart Toqaev koronavırýsqa baılanysty el aýmaǵanyda tótenshe jaǵdaı engizý týraly jarlyqqa qol qoıdy. Bul týraly Aqorda saıty habarlady. 

Aqorda taratqan Toqaevtyń jarlyǵynda tótenshe jaǵdaı 16 naýryz saǵat tańǵy 8.00-den bastalyp 15 sáýirge deıin jalǵasatyny jazylǵan. 

"Dúnıejúzilik densaýlyq saqtaý uıymynyń jańa COVID-19 koronavırýsyn pandemııa dep jarııalaýyna baılanysty azamattardyń ómiri men densaýlyǵyn qorǵaý maqsatynda Qazaqstan Respýblıkasynyń barlyq aýmaǵynda  2020  jylǵy  16  naýryzdaǵy   08  saǵat 00 mınýt pen 2020 jylǵy 15 sáýirdegi 07 saǵat 00 mınýt kezeńinde tótenshe jaǵdaı engizilsin" delingen prezıdent jarlyǵynda. 

Jarlyqqa sáıkes, iri saýda obektileriniń jumys isteýine, saýda oıyn-saýyq ortalyqtarynyń, kınoteatrlardyń, teatrlardyń, kórmelerdiń jáne adamdar kóp jınalatyn basqa da obektilerdiń qyzmetin toqtatylmaq. Buǵan qosa, oıyn-saýyq,  sporttyq  jáne basqa da buqaralyq is-sharalardy, sondaı-aq  otbasylyq,  salt-dástúr is-sharalaryn ótkizýge tyıym salynady. Qazaqstan aýmaǵyna kóliktiń barlyq túrimen kirip-shyǵýǵa shekteýler belgilendi. (Qazaqstan men ózge memlekettiń dıplomatııalyq qyzmet ókilderi, halyqaralyq delegattarǵa bul shekteýdiń qatysy joq).

Qazaqstan densaýlyq saqtaý mınıstrliginiń sońǵy derginshe, el aýmaǵynda 8 adamnan koronavırýs tabylǵan. 

 

 

Ilmek sózder: koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir