27 Aqpan, 2020 NEWS
facebook paraqshasynan
«Jigerli lıderler – qýatty partııa». Osylaısha Nur Otan halyqaralyq tájirıbege saı halyqpen jumys isteýdiń jańa tásilderin engizýde. Sonyń biri – ishki partııalyq saılaý, ıaǵnı praımerız,- dep habarlaıdy Qamshy.kz tilshisi.
Qazirgi ýaqytta Nur Otan basshylyǵy eldiń túkpir-túkpirin aralap, praımerız týraly túsindirý jumystaryn júrgizýde.
Apta basynan beri jetekshi partııa tóraǵasynyń birinshi orynbasary Baýyrjan Baıbek Shymkent, Túrkistan, Qyzylorda óńirlerinde jumys saparymen júr. Ol shalǵaıdaǵy birqatar eldi mekenderiniń turǵyndarymen kezdesip, kókeıkesti máselelerdi sol jerde talqylap, sheshimin birge qarastyrdy.
– Biz árbir óńirde sáýir-mamyr aılarynda praımerız ótkizemiz. Qazaqstan boıynsha 920 myń adamdy uıymdastyryp, halyqqa biz múmkindiginshe ózimizdiń saıasatymyzdy túsindirýimiz kerek,- dedi B. Baıbek.
Praımerızge kóptegen saıasattanýshy-sarapshylar qyzyǵýshylyq tanytyp otyr. Biraq qarapaıym turǵyndar ol týraly naqty bile bermeıdi.
Syr óńirinde júrgen Nur Otan hatshysy Arman Qyryqbaev ta óńirdiń qoǵamdyq keńes múshelerimen, túrli sala ókilderimen, zııaly qaýymymen, jastarmen kezdeskende bul jańalyq jaıly aıtyp berdi.
⠀
– Naqty aıtsaq, praımerız degen – saılaý aldyndaǵy ishki saılaý. Buıyrtsa, kóktemde búkil elde kádimgideı doda, debat, úgit-nasıhat jumysy bolady. Sýyrylyp shyqqan eń myqty, elge sózi ótetin bedeldiler partııa atynan úmitkerler tizimine ilinip, úlken saılaýǵa túsedi. Damyǵan demokratııalarda saıası partııalar osylaı aldyn-ala ishki «saılaý» ótkizip alýǵa tyrysady. Ol bir jaǵynan partııanyń óz ishindegi myqtylaryn irikteýge múmkindik berse, ekinshi jaǵynan, partııamen murattas, eldiń sózin sóıleıtin basqa da azamattardy qatarǵa tartýdyń quraly,- dedi Arman Qyryqbaev.
Onyń aıtýynsha, praımerız arqyly partııanyń kez kelgen múshesi jáne partııa qatarynda bolmasa da, eldik múdde jolynda onymen murattas barlyq azamattar, arnaıy ótinish berip, irikteýge qatysýǵa, jeńse tizimge ene alady.
Bul – kókeıdegi elge degen paıdaly oılarymdy qalaısha iske asyramyn dep júrgen belsendi jandarǵa jaqsy múmkindik bolmaq.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir