20 Aqpan, 2020 NEWS

95 basshy jemqorlyq úshin jumystan bosatyldy

qaz.neonomad.kz

Byltyr ishki ister mınıstrligi qurylymynda 95 basshy sybaılas jemqorlyq oqıǵalary úshin jumystan bosatylyp, 1283 basshy tártiptik jazaǵa tartylǵan. Bul týraly ishki qaýipsizdik departamentiniń bastyǵy Arman Sadanov habarlady.

– Sybaılas jemqorlyqqa qarsy ishki ister organdarynyń aǵa qyzmetkerlerine qoıylatyn talaptar kúsheıtildi. Tártiptik jaza qoldaný algorıtmi tek kináli qyzmetkerdiń ǵana emes, onyń basshysynyń da jaýapkershilik dárejesin anyqtaýmen bekitildi. 2019 jyly bolǵan tótenshe jaǵdaılar úshin 1283 basshy tártiptik jazaǵa tartylyp, onyń 95-i jumystan bosatyldy, 242-i qyzmetinen ketti, – dep aıtty Sadanov IIM ótkizgen brıfıngte.

Sonymen qatar, ol ishki qaýipsizdik departamentiniń basym baǵyttarynyń biri ishki ister organdarynyń qyzmetkerlerin qorǵaý dedi. О́tken jyly polısııa qyzmetkerlerine qarsy kúsh qoldanǵany úshin 302 beıbit turǵyn sottalǵan bolatyn.

– 2019 jyly ishki ister organdarynyń qyzmetkerlerine para berýdiń 55 faktisi toqtatyldy. Jyl basynan beri mundaı 31 fakt tirkelgen, – dedi departament bastyǵy Arman Sadanov.

Ilmek sózder: sybaılas jemqorlyq

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir