18 Aqpan, 2020 Aımaqtar

"Meniń kim ekenimdi bári biledi": Batalov óz abyroıyn túsirgisi keletinderge sálem aıtty

"Bir bloger men týraly: «Kameradan qorqady», – dep jazypty. Bir merekeniń ózinde 11 balanyń tusaýyn kestim. Nege ekenin bilesiz be? Qazaq – yrymshyl halyq. «Sizge uqsasyn» dep aıtady. Ana bloger jazǵandaı men kameradan qoryqpaımyn. Osyǵan deıin abyroı jınadym. Meniń kim ekenimdi bári biledi"

Foto: zhasalash.kz

Bul týraly Almaty oblysy ákimi Amandyq Batalovtyń azamattardy jeke máseleleri boıynsha qabyldaýy kezinde aıtyldy, dep habarlaıdy Qamshy.kz aqparat agenttigi 7-su.kz saıtynyń deregine súıene otyryp.

Ákimniń bulaı ashýlanýyna ózderin tanystyra kelgen Alem Social júıesiniń monıtorıng nátıjesi sebep bolǵan. Atalǵan joba týraly toqtalǵan Erlan Meırambaevtyń aıtýynsha, Batalov basqaryp otyrǵan oblys halyqtan túsetin aryz-shaǵym kórsetkishi boıynsha respýblıkada úshinshi orynda tur. 

Olar mundaı nátıjege barlyq tanymal áleýmettik jelidegi shaǵym, jaǵymsyz jazbalar jáne memlekettik mekemelerge jazylǵan ótinishterge monıtorıng júrgizý arqyly qol jetkizgen. Bul rette, bilim, densaýlyq, qaýipsizdik, turǵyn-úı kommýnaldyq sharýashylyǵy jáne taǵy basqa salalar qamtylǵan.

Dálirek aıtqanda, aımaq boıynsha bir aıdyń ishinde 1 500-den astam shaǵym túskeni anyqtalǵan.

Eń qyzyǵy, ákim qabyldaýynda Erlan Meırambaev aılyq quny 2 mıllıon teńge turatyn júıemen kelisimshart jasasyp, birge jumys isteýdi usyndy.  

Osy rette, oblystyq ishki saıasat basqarmasynyń basshysy Rýstam Alpysbaev sóz alyp:

"Amandyq Ǵabbasuly, respýblıka boıynsha shynaıy aqparat beretin osyndaı uıymdarmen jumys istep jatyrmyz. Osy uıymǵa byltyr júıeni damytý týraly usynysymyzdy aıtqan bolatynbyz. Bir jaǵynan aqysy qymbattaý, - dep "bombany" basyp qaldy.

Basyp qalǵany emeı nemene: saıttardyń reıtıngisi boıynsha jyl saıyn "dástúrli" túrde "halyqshyl ákim" atanyp kele jatqan, halyqtan túsken aryz-shaǵymdy qalt jibermeı otyrmyn deıtin Batalovtyń eńbegin óz qyzmetkeriniń "shynaıy aqparat beretin" degen jalǵyz sózi jyǵyp berip turmaı ma?! 

Iаǵnı, bulaı bolǵanda atalǵan júıeniń "oblys halyqtan túsetin aryz-shaǵym kórsetkishi boıynsha respýblıkada úshinshi orynda tur" degen qorytyndysy rasqa aınaldy degen sóz. 

Al Amandyq Batalov úshin mundaı nátıjeler ózi aıtqandaı "jalǵan aqparattyń" kezekti birisi bolyp tur. Oqyp kórińiz:

- Másele onda emes. Naqty jaǵdaı kórinis tapsa, 10 mıllıon teńge bolsa da qabyldar edim. Olar bizdiń ne istep jatqanymyzdy bile me? Jaqsy, myńdaǵan adamdy jınaıyq, men de shyǵaıyn. Jaǵymsyz jazba jarııalaǵan blogerler de kelsin. Halyqtyń baǵasy qandaı ekenin óz kózderimen kórsin. Barlyq aýdanǵa ózim baramyn. Halyqpen kezdesemin. Qaı jerde qandaı másele bar ekenin jaqsy bilemin. Kerek deseńiz, jasalǵan jumysty sapalyq ta, sandyq turǵyda da dáleldep beremin. Sizderdiki jalǵan aqparat. Bul durys emes, – dep keıbir blogerlerdiń jazbalaryna syn aıtty. – Bir bloger men týraly: «Kameradan qorqady», – dep jazypty. Bir merekeniń ózinde 11 balanyń tusaýyn kestim. Nege ekenin bilesiz be? Qazaq – yrymshyl halyq. «Sizge uqsasyn» dep aıtady. Ana bloger jazǵandaı men kameradan qoryqpaımyn. Osyǵan deıin abyroı jınadym. Meniń kim ekenimdi bári biledi. Qurylysshy, sportshy ekenim barlyǵyna aıan. Meniń abyroıymdy eshqandaı bloger túsire almaıdy. О́zimniń qandaı ekenimdi, qalaı jumys isteıtinimdi bilemin. Túsindińder me? Osyny basqalarǵa da aıtyp bar. Menen úlken sálem deńder", – dedi.

 

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir